“O‘zgidromet” dam olish kunlari sovuq havo oqimi kirishi kutilayotganini ma’lum qilgandi. Markaz ma’lumotlariga ko‘ra, kelasi hafta o‘rtasiga kelib harorat yana ko‘tariladi.
Qayd etilishicha. 8-oktabr kuni respublika bo‘yicha beqaror ob-havo bo‘lishi kutilmoqda. Hududning katta qismida nisbatan iliq harorat fonida biroz yomg‘ir yog‘adi. Faqat respublikaning shimoliy hududlarida va Surxondaryo viloyatida yog‘ingarchilik kutilmaydi. Havo harorati 13-18 daraja iliqni tashkil etadi.
9-oktabr, shanba kuni O‘zbekistion hududiga Kaspiy dengizi orqali Rossiya Yevropa qismining (Moskva viloyati) ustida shakllangan sovuq va nam havo massalari kirib keladi. Toshkent, Samarqand, Jizzax, Qashqadaryo viloyatlarida va Farg‘ona vodiysida ba’zi joylarda yomg‘ir yog‘adi. Respublikaning tog‘li hududlarida yog‘ingarchilik (yomg‘ir, qor), ba’zi joylarda kuchli bo‘lishi kutilmoqda. Havo harorati kunduz kunlari 10-13 daraja iliqdan oshmaydi. Bu iqlimiy me’yordan 8-10 darajaga pastdir.
Yakshanba kuni yog‘ingarchilik bo‘lishi ehtimoli faqat respublikaning sharqiy hududlarida saqlanib turadi. Harorat kechalari 2-5 daraja iliqgacha, shimolda 0-3 daraja sovuqqacha pasayadi. Kunduz kunlari 10-13 daraja iliq atrofida saqlanib turadi.
11-oktabr, dushanba kunidan boshlab O‘zbekistonning barcha hududida quruq ob-havo o‘rnashadi. Hafta boshida 2-5 daraja iliq atrofida bo‘lgan past harorat salanishda davom etadi, kunduz kunlari esa harorat ko‘tarila boshlaydi va hafta o‘rtasiga kelib 17-20 daraja iliq bo‘ladi.
Izoh (0)