Кўриш қобилияти билан боғлиқ муаммолар, касалликлар нафақат экран қаршисида мунтазам равишда ўтирадиган кишилар, балки бошқаларда ҳам кузатилиши мумкин бўлади. Чунки кундалик турмушдаги оддий ҳаракатлар ҳам микроорганизмлар кўзга тушишга сабаб бўлиб, яллиғланишга олиб келиши мумкин. Қандай одатлар кўриш сифатининг бузилишига таъсир қилиши мумкинлиги ҳақида офтальмолог-шифокор Евгения Шекунова маълумот бериб ўтади.
Аксарият кишилар вақтини экран қаршисида ўтказади
Бундай одамлар кўзни ортиқча зўриқтирмаслик кераклигини ёддан чиқаради. Аммо гаджет ва ноутбукнинг ёруғлиги меъёрда бўлишига, кўз ва монитор ўртасидаги масофага эътибор бериш керак. Кўз толиқиб қолмаслиги учун қурилманинг ёруғлиги 45-50 фоиз бўлишига эътибор қаратинг. Экранга қараганда матнни яқиндан ўқиш истаги пайдо бўлмаслиги керак. Экран ёруғлиги атрофдагидан бироз ёрқинроқ бўлган яхши. Етарли намланишга эҳтиёж сезгани сабаб ҳам кўзларни очиб-юмишни канда қилманг. Мушаклар толиқиши мумкинлиги сабаб эса ҳар 30 дақиқада дам олиб ишлаш кераклигини унутманг.
Макияжни нотўғри ўчириш
Ташқи оламдаги 90 фоизи ахборотни қабул қилишимизда аҳамиятли бўлган кўзлар, шунингдек, ҳис-туйғуларни ўқиш мумкин бўлган қалб ойнаси ҳам саналади. Аёл ва қизлар эса гўзаллигига урғу беришда кўзларига алоҳида эътибор қаратади. Аммо бу борада жуда ҳам эҳтиёткор бўлган яхши. Гап шундаки, туш, подводка тен ва бошқа косметик воситаларининг кириб қолиши кўз шиллиқ қаватини шикастлаб, жиддий зарарланишга олиб келиши мумкин. Бу каби муаммодан юзни парвариш қилиш ва макияжни ўчиришдан аввал ҳам қочиб бўлмайди.
Кўз саломатлигига, шунингдек, гигиена қоидаларига риоя қилмаслик, уйда ва салонда макияж қилишдаги хатолар ҳам сабаб бўлади. Шу сабаб ҳам фойдаланадиган чўтка ҳамда бошқа воситаларнинг тозалигига етарлича эътиборли бўлиш, бошқаларнинг косметикасидан иложи борича фойдаланмаслик керак.
Кўзларни ишқалаш
Иш давомида, масалан, экран қаршисида ўтирганда кўзларни ишқалаш нафақат қичиш, балки мугуз парданинг шикастланишига ҳам олиб келиши мумкин. Гап шундаки, бу вақтда ювилмаган қўлдаги микроорганизмлар кўзга кириши, кейинчалик яллиғланиш келтириб чиқариб, кўриш билан боғлиқ муаммоларнинг юзага келишига олиб келиши мумкин. Яхшиси кўзни ишқалашга нима сабаб бўлаётганини аниқлаш учун офтальмолог-шифокор билан маслаҳатлашинг. Мутахассис муаммога ечим бўладиган томчи дориларни таклиф қилиши мумкин.
Офтальмолог-шифокорга бормаслик
Таъкидланган қоидаларга риоя қилишдан ташқари, йилда бир марта шифокорга мурожаат қилишни ҳам канда қилмаслик керак. Бу ҳатто кўриш қобилияти билан муаммо бўлмаган кишиларга ҳам тегишли. Шундагина турли оқибатларнинг олдини олишга эришиш мумкин бўлади. Шифокор кўрикдан кейин сизга экран нурларидан ҳимоя қилувчи ёки кўришга қулай бўлган кўзойнак ҳамда линза тақишни тавсия қилади.
Изоҳ (0)