VEON компаниялар гуруҳи делегацияси Ўзбекистон вазирлик ва идоралари раҳбарлари билан учрашиш учун Тошкентга ташриф буюрди. Мулоқот марказида мамлакат иқтисодиётини рақамлаштиришда кейинги икки томонлама ҳамкорликни янада фаоллаштириш билан боғлиқ масалалар муҳокама қилинди.
VEON делегацияси таркибига холдинг директорлар кенгаши раиси Геннадий Газин, бош ижрочи директор Каан Терзиоглу, холдинг маслаҳатчиси Борис Тадич ва Beeline Uzbekistan бош директори Анджей Малиновски кирди.
Делегациянинг Ўзбекистон Республикаси Ахборот технологиялари ва коммуникацияларини ривожлантириш вазири Шуҳрат Содиқов билан учрашуви самарали ва мазмунли бўлиб ўтди. Томонлар «Рақамли Ўзбекистон — 2030» стратегиясини амалга ошириш, IT тадбиркорликни ривожлантириш, IT парклар фаолиятини такомиллаштириш, IT мутахассисларни тайёрлаш, замонавий телекоммуникация инфратузилмасини яратиш доирасида VEON компаниялари гуруҳининг рақамли ислоҳотлардаги иштироки масалаларини муҳокама қилдилар. Учрашув иштирокчилари ахборот технологиялари соҳасида ҳамкорлик алоқаларини шакллантириш бўйича барча саъй-ҳаракатларни сафарбар қилишга тайёр эканликларини билдиришди.
VEON делегацияси Марказий банк раиси Мамаризо Нурмуратов билан учрашувда мамлакатдаги сўнгги ўзгаришлар ҳақида, хусусан, банк ва молия тизимидаги ислоҳотлар, шунингдек, инвестиция муҳитни янада яхшилаш борасидаги ишлар ижобий натижалар бераётганини таъкидлади. Ҳозирги вақтда Ўзбекистонда тўловларни амалга оширувчи 30 дан ортиқ ташкилот фаолият юритмоқда. Учрашув якунида VEON компаниялар гуруҳи вакиллари Ўзбекистонда рақамли иқтисодиёт ва молияни ривожлантиришда иштирок этиш истагини билдиришди.
Бундан ташқари, VEON делегация аъзолари Ўзбекистон ҳукумати, халқаро бизнес экспертлари, нодавлат ташкилотлари ва оммавий ахборот воситалари вакиллари билан биргаликда «Ўзбекистон: иқтисодий ислоҳотларнинг ютуқлари ва уларнинг истиқболлари» Тошкент форумининг иштирокчилари бўлишди. Ўтган йиллардаги ислоҳотлар натижалари ва келажак учун истиқболли ғоялар муҳокама қилинди. Минтақавий ҳамкорлик мавзусида мунозара, рақобатбардошликни таъминлашда иқтисодий очиқликнинг ўрни ҳақида суҳбат бўлиб ўтди.
«Бугунги кунда биз яқин келажакда эришмоқчи бўлган улкан мақсадларга эгамиз. Бунинг учун VEON компаниялар гуруҳи раҳбарияти Ўзбекистоннинг кўплаб вазирлик ва идоралари раҳбарлари билан мунтазам мулоқот қилиб келмоқда. Бу мобил бизнесни ривожлантириш ва илғор технологияларни жорий этишнинг долзарб масалаларини муҳокама қилиш, шунингдек, VEON халқаро тажрибасини ўтказиш, мамлакат иқтисодиётини рақамлаштиришда иштирокимизни фаоллаштириш учун яхши имкониятдир», — дейди Beeline Uzbekistan бош директори Анджей Малиновски.
Beeline Uzbekistan ходимлари билан учрашув VEON компаниялари гуруҳи раҳбариятининг Ўзбекистонга ҳар бир ташрифининг муҳим таркибий қисми ҳисобланади. Тошкентдаги Beeline’нинг бош офисида компания мутахассислари билан анъанавий очиқ мулоқот бўлиб ўтди. Меҳмонлар йиғилганларнинг қизиқтирган саволларига жавоб беришди, Самарқандда кўрганлари ҳақидаги таассуротлари билан ўртоқлашдилар, жорий ташриф доирасидаги тадбир ва учрашувлар ҳақида сўзлаб бердилар. Компаниянинг стратегияси алоҳида мавзу бўлиб, бугунги кунда телекоммуникация компаниясидан рақамли операторга айланиш борасида қанақа ишлар оборилиши тўғрисида гапириб беришди. Учрашув якунида VEON раҳбарияти Beeline Uzbekistan ходимлари билан ҳар қандай бизнесда муваффақиятга эришиш бўйича маслаҳатлар билан бўлишди. Жонли мулоқот нафақат фикр алмашиш, балки компаниянинг Ўзбекистон телеком бозоридаги истиқболлари ҳақида ҳам кўплаб янгиликларни ўрганиш имконини берди.
«Unitel» МЧЖ 2006 йил 12 сентябрдан бошлаб Beeline Uzbekistan савдо белгиси остида хизмат кўрсатиб келмоқда. Beeline Uzbekistan бош қароргоҳи Амстердамда (Голландия) жойлашган VEON халқаро телекоммуникация холдинги таркибига киради.
VEON — бу 9 та мамлакатда 213 миллиондан ортиқ абонентга эга глобал телекоммуникация ва интернет хизматларини етказиб берувчи компания. Унинг акциялари NASDAQ ва Euronext Amsterdam фонд бозорларида рўйхатга олинган.
Beeline Uzbekistan’да 1.6 мингга яқин ходим фаолият юритади. 2006 йилдан бошлаб, Ўзбекистон бозорига кирганидан бери, VEON мамлакат телекоммуникация саноатига 1.2 миллиард доллардан ортиқ маблағ киритди. Beeline савдо белгиси Ўзбекистондаги фаолияти давомида 1.8 миллиард доллардан ортиқ миқдорда солиқ тўлаган.
Сайт: beeline.uz
Facebook: fb.com/beeline.uz
Instagram: beeline_uzbekistan
Telegram: t.me/uzbeelineuzb
Twitter: twitter.com/beeline_uz
LinkedIn: linkedin.com/company/beeline-uzbekistan/
Реклама ҳуқуқи асосида.
Изоҳ (0)