Hozirgi kundagi eng dolzarb va aholini qiynab turgan muammolardan biri, ekologiyaning yomonlashishidir. Uning bu ahvolga kelishiga bir necha sabablar bor, aniq bittasini ajratib ko‘rsatib bo‘lmaydi. Lekin bugungi kundagi oddiy yoqilg‘ida harakatlanuvchi mashinalar ham “qo‘lidan kelgancha” tabiatga zarar yetkazmoqda. Shu sababli, prezidentlikka nomzod Narzullo Oblomurodov o‘z saylovoldi dasturida bu masalaga alohida e’tibor qaratgan.
O‘zbekiston Ekologik partiyasi nomzodi bugun, 4-oktabr kuni andijonlik saylovchilar bilan uchrashdi. Viloyatning Shahrixon tumanida bo‘lib o‘tgan uchrashuvda Narzullo Oblomurodov o‘zining saylovoldi dasturidan o‘rin olgan ustuvor vazifalarni sanadi.
Nomzodning so‘zlariga ko‘ra, “yashil energetika”, ekologik toza transportlarni ko‘paytirish va hatto davlat xaridlar tizida ham “yashil xaridlar”ni qo‘llab quvvatlash partiyaning asosiy rejalaridan. Oblomurodovga ko‘ra, quyidagilar partiyaning ustuvor vazifalari sanaladi:
- “yashil iqtisodiyot” tamoyillari asosida mamlakatdagi ishlab chiqarishning barcha sohalarini jadal rivojlantirishga yo‘naltirilgan siyosatni yuritish;
- “yashil energetika”, “aqlli” qishloq xo‘jaligi tamoyillarini tadbiq etishning huquqiy asoslarini ishlab chiqish va joriy etish;
- ekologik toza transport vositalaridan foydalanishni keng joriy etish;
- davlat xaridlari tizimida “yashil xaridlar”ga ustuvorlik berish tamoyillarini joriy etish.
Ekologiyaning haminqadarligi real muammo. Undan qochib qutulishning iloji yo‘q. Ammo oldini olishning yo‘llari bor, albatta. Kelajakni “yashil” qilish uchun prezidentlik saylovida Ekologik partiya nomzodi Narzullo Oblomurodovga ovoz bering.
Reklama huquqi asosida.
Izoh (0)