Наманган вилояти Янгиқўрғон туманида Damas пиёдани уриб кетди, дея хабар қилмоқда вилоят ИИББ ахборот хизмати.
Маълум қилинишича, 2021 йил 1 октябрь куни соат 13:45 ларда Янгиқўрғон тумани «Сутлибулоқ» маҳалласи ҳудудида Янгиқўрғон туманида яшовчи, 1969 йилда туғилган фуқаро Damas русумли автомашинасини бошқариб бораётиб, ҳаракат хавфсизлигини таъминлай олмай, йўлни кесиб ўтаётган пиёда, Янгиқўрғон туманида яшаган, 1946 йилда туғилган фуқарони уриб юборган.
Пиёда олган тан жароҳати оқибатида шифохонада вафот этган.
Ушбу ҳолат бўйича Янгиқўрғон туман ИИБ ҳузуридаги тергов бўлими томонидан 2021 йил 1 октябрь куни Жиноят кодексининг 266-моддаси 2-қисми (одам ўлимига сабаб бўлган транспорт бошқариш хавфсизлиги қоидаларини бузиш) билан жиноят иши қўзғатилган.
Мавзуга доир:
Изоҳ (0)