Samsung компанияси ўрта бюджетли янги смартфони — Galaxy М52’ни намойиш этди. Янги модель компаниянинг бошқа смартфонларига қараганда узоқ вақт ишлай оладиган аккумуляторга эга бўлгани билан ажралиб туради, деб хабар беради «Afisha.uz».
Galaxy М52 модели пикселлар нисбати 2400х1080 бўлган, 120 герцли тасвир янгиланиш частотасига эга 6,7 дюймли Super AMOLED+ экран билан жиҳозланган. Дисплей Gorilla Glass 5 шишаси билан қопланган, бармоқ изи сканери эса ён томондаги ўчириб-ёқиш тугмасида жойлашган.
Смартфоннинг 32 мегапикселли фронтал камераси экран марказидаги тешикдан ўрин олган. Шунингдек, қурилманинг 64 мегапикселли асосий, 12 мегапикселли ультра кенг бурчак ва 5 мегапикселли макро модуллари ҳам бор. Смартфон Dolby Atmos ва LDAC кодекини қўллаб-қувватлайди. Аппарат ичидан Snapdragon 778G процессори, 6/8 гигабайт тезкор ва 128 гигабайт ички хотира ўрин олади. Ички хотирани 1 терабайтли microSD ёрдамида ҳам кенгайтириш мумкин.
Аккумулятор сиғими 5000 мА/соат бўлиб, 25 ваттли тезкор қувватланиш функциясига эга. Корпусининг қалинлиги 7,4 миллиметрга етади — бу Galaxy М51’дан 21 фоизга ингичка дегани. Расмий маълумотларга кўра, Galaxy М52 5G’нинг автономлиги 20 соатгача видео кўришга, 81 соатгача аудио эшитишга етади. Тўлиқ қувватланган смартфон 17 соат давомида веб-саҳифаларни кузатиш имконини беради.
Ҳиндистонда мазкур смартфоннинг 6/128 гигабайтли версияси 365 долларга баҳоланган.
Аввалроқ хитойлик икки инсайдер Samsung компанияси яқин кунларда 200 мегапикселли мобил сенсорни тақдим этиши ва у 2022 йилда сотувга чиқадиган Galaxy S22 флагманларига ўрнатилишини маълум қилганди.
Изоҳ (0)