SellCell tomonidan o‘tkazilgan so‘rovnoma amerikalik foydalanuvchilarning yangi iPhone 13 lineykasi smartfonlariga bo‘lgan munosabatini ko‘rsatib berdi. So‘rovda 18 yoshdan katta bo‘lgan 5 mingdan ortiq iPhone foydalanuvchilari ishtirok etgan, deb xabar beradi IXBT.
So‘rov mualliflari iPhone’ning eski versiyasini ishlatgan foydalanuvchilar yangi iPhone 13 seriyasi haqida qanday fikrda ekani bilan qiziqqan. So‘rov natijalariga ko‘ra, iPhone 13 seriyasi u qadar yaxshi natijani qayd etmagan. iPhone foydalanuvchilarining 64 foizi iPhone 13 lineykasini u qadar yoki umuman qiziq emas deb topgan.
Respondentlarning 76,8 foizi iPhone 13 seriyasiga o‘tishni rejalashtirmayotganini bildirgan. Ammo yangi modelga o‘tishni istaganlar uchun iPhone 13 Pro qiziq variant hisoblanadi. Uni xaridni amalga oshirish niyatida bo‘lganlarning 42,5 foizi tanlagan, 26,3 foizi esa iPhone 13 Pro Max’ni ma’qul ko‘rgan. iPhone 13 Mini oldingidek ommalashmadi: ushbu modelga foydalanuvchilarning 9,2 foizigina e’tibor qaratgan.
Shuningdek, iPhone 13 ni mavjud iPhone qurilmalarini ishlatadigan foydalanuvchilarga uchun nima qiziq bo‘lmayotganining asosiy sabablari ham e’lon qilingan. Respondentlarning 29,3 foizi Touch yo‘qligini asosiy sabab qilib ko‘rsatgan. iPhone 13 taqdim etilguniga qadar unga Touch ID o‘rnatilishi haqida mish-mishlar tarqalgandi. Ushbu mish-mishlar yolg‘on bo‘lib chiqib, ko‘plab foydalanuvchilar hafsalasini pir qildi. Shuningdek, displeyning muntazam yoqib qo‘yish imkoniyatining yo‘qligi va ekrandagi qirqim ham kamchilik sifatida sanab o‘tilgan.
iPhone 13 olmagan foydalanuvchilarning aksariyati platformadan voz kechmaydi. Balki ular iPhone 14 ni kutadi (36,8 foizi), yoki yana bir necha yil o‘z qurilmasini ishlatadi (32,3 foiz) yoki eski iPhone versiyalarini xarid qiladi (11,3 foiz). Respondentlarning 16,1 foizi Android’ga o‘tishini bildirgan bo‘lsa, 3,5 foizi hali biror qarorga kelmagan.
Avvalroq iPhone 13 Pro Max’ning foto-video suratga olish imkoniyatlari iPhone 12 Pro Max va 11 Pro Max’niki bilan taqqoslangandi.
Izoh (0)