Жиноят кодекси ва Маъмурий жавобгарлик тўғрисидаги кодексга ўзгартиришлар киритишни назарда тутувчи қонун Президент томонидан имзоланди, деб хабар беради Telegram’даги «Ҳуқуқий ахборот» канали.
Киритилган ўзгартиришларга кўра, ҳокимият вакилига ёки фуқаровий бурчини бажараётган шахсга қаршилик учун жиноий жавобгарлик кучайтирилган.
Бундай ҳаракатлар:
- БҲМнинг 50 бараваридан 100 бараваригача (27 миллион сўмгача) жарима (илгари фақат 50 бараваригача);
- 1 йилдан 3 йилгача озодликни чеклаш (илгари 1 йилгача);
- 1 йилдан 3 йилгача озодликдан маҳрум қилиш билан жазоланади (илгари 1 йилгача).
Аввалроқ Сенатнинг ўн тўққизинчи ялпи мажлисида «Ўзбекистон Республикасининг Жиноят кодексига ҳамда Ўзбекистон Республикасининг Маъмурий жавобгарлик тўғрисидаги кодексига ўзгартиришлар киритиш ҳақида»ги Ўзбекистон қонуни тасдиқлангани тўғрисида хабар берилганди.
Изоҳ (0)