Қатарда мамлакатда тарихида илк бор парламент сайловлари ўтказилди. Қатар ахборот агентлигининг хабарига кўра, сайловларда овоз бериш ҳуқуқига эга аҳолининг 63,5 фоиз қисми иштирок этган ва айни вақтда овозларни ҳисоблаш жараёни давоми этмоқда, деб ёзган «ТАСС».
Сайловчилар 233 нафар номзод орасидан 30 нафарини танлаб бериши талаб этилган, улар парламентнинг учдан икки қисмини ташкил қилади. Депутатларнинг яна чорак қисми конституцияга мувофиқ амир томонидан тайинланади. Мажлис аш-Шўро қонунлар ишлаб чиқиш, давлат бюджетини тасдиқлаш, яна бошқа муҳим масалалар билан шуғулланади ҳамда мамлакат амири шайх Тамим ибн Ҳамад ат-Танига маслаҳат ва тавсиялар беради. Бироқ мудофаа, хавфсизлик ва иқтисодиёт масалалари бўйича қонуний қарор чиқариш кучига эга эмас. Сайловларда иштирок этиш учун рўйхатга олинган номзодлар орасида 10 фоизга яқин қисмини аёллар ташкил қилади.
Қатардаги қонунчилик ҳукумати азалдан амир томонидан бошқарилади. 1972 йилда Маслаҳатлашув кенгаши таъсис этилган (Мажлис аш-Шўро). Ушбу давлат органи кенгаш орқали қарорлар чиқаради ва унинг 35 нафар аъзоси амир томонидан тўрт йил муддатга лавозимга тайинланади. Конституцияга мувофиқ 2005 йилдан бошлаб Маслаҳатлашув кенгаши парламент сайловларидан кейин қонунчилик органи – бир палатали парламентга айланиши мумкин. Бир палатали парламент 45 нафар депутатдан иборат бўлади: шундан 30 нафари тўғридан-тўғри яширин овоз бериш йўли билан сайланади, яна 12 нафар депутат амир томонидан тайинланади. Депутатлар ваколатининг муддати тўрт йил.Маслаҳатлашув кенгашига биринчи демократик сайловлар 2013 йилнинг иккинчи ярмида ўтказилиши керак эди, бироқ амир ўғли Ҳамад ибн Ҳалифа ат-Тани учун тахтдан воз кечишидан олдин ўша йили июнь ойида Кенгаш ваколатларини номуайян муддатга узайтириш ҳақидаги Фармонни имзолаган. 2021 йил август ойига келибгина Тамим ибн Ҳамад ат-Тани сайловларни 2 октябрда ўтказишга қарор қилди.
Қатар аҳолисининг сони 2,8 миллион атрофида, бироқ мамлакатда яшайдиган фуқароларнинг атиги 10 фоизи овоз бериш ҳуқуқига эга. Амалдаги қонунчиликка кўра оилалари 1930 йилдан бери Қатарда яшаб келаётган фуқароларгина сайловларда овоз бера олади. Ушбу қоида мамлакатда яшовчи айрим қабилаларнинг норозилигига сабаб бўлган.
Мавзуга доир:
- Уй ижараси ойига 3500 доллар, отларнинг ҳам ўз жакузиси бор: Нефть жаннати — Қатардаги ҳаёт ҳақида қизиқарли маълумотлар (фото)
- Қатардаги келажак аллақачон келганини исботловчи, ажойиб архитектурага эга 3 бино (фото)
- Қатар ЖЧ—2022 мезбонлигини қўлга киритганидан буён 6700 дан ортиқ меҳнат муҳожири вафот этгани маълум бўлди
Изоҳ (0)