30 сентябрда Ўзбекистоннинг шимолий ҳудудларига, 1—3 октябрда республиканинг қолган ҳудудларига Волга бўйи орқали Россия Европа қисмининг (Москва вилояти) марказий ҳудудлари устида шаклланган совуқ ва нам ҳаво массалари кириб келади, деб хабар бермоқда «Ўзгидромет».

Фото: «Дарё» / Мадина Нурман

Қайд этилишича, 1—3 октябрда ҳаво ҳарорати кечалари аста-секин 3-8 даражагача илиқ, кундуз кунлари 12-17 даражагача илиқ, шимолда кечалари 0-5 даражагача илиқ, кундуз кунлари ҳаво ҳарорати 10-15 даражагача пасаяди.

1—2 октябрда республика бўйича баъзи жойларда, 3 октябрда Фарғона водийси вилоятларида ёмғир ёғади, 2—3 октябрда тоғолди ва тоғли ҳудудларда баъзи жойларда кучли бўлиши мумкин, баланд тоғларда ёғингарчилик бўлади (ёмғир қорга айланади).

30 сентябрда ва 1—2 октябрда республика бўйича баъзи жойларда шамол 17-22 метр/секундгача кучайиши кутилмоқда.