«Texnoprosistem» МЧЖ (TPS савдо белгиси) компанияси IT-ечимларни ишлаб чиқиш билан шуғулланишни бошлайди. Амалдаги абонентларга аввалги шартлар асосида East Telecom компанияси томонидан хизмат кўрсатилади.
TPS интернет провайдери Ўзбекистоннинг интернет хизматлари бозорига 1999 йили кириб келган. Компанияга телекоммуникация хизматларига бўлган, ўсиб келаётган талабни қондириш мақсадида асос солинган эди. Инновацион ёндашув, янги технологияларнинг қўлланилиши, динамик ривожланиш, мосланувчан маркетинг сиёсати TPS компаниясига Ўзбекистондаги маълумотлар узатуви тармоғининг етакчи оператори бўлишига ёрдам берди. Бугунги кунда компания мамлакатнинг машҳур интернет провайдерлари қаторидан жой олган.
2006 йилдан буён TPSнинг асосчиси, «Ist Telekom» ҚК МЧЖ (East Telecom савдо белгиси) Ўзбекистоннинг йирик нодавлат телекоммуникация оператори компанияси бўлди.
East Telecom анъанавий алоқа хизматларини ҳамда пакетли маълумотларни узатиш ва мультимедиа хизматлари билан боғлиқ янги хизматларни бирлаштиришни таъминлайдиган янги авлод (Next Generation Network — NGN) технологиялари ва ечимларидан фойдаланадиган алоқа операторидир.
Компания асосий фаолиятининг ўзгариши муносабати билан TPS бутун Ўзбекистон бўйлаб интернетга уланиш хизматларини кўрсатиш учун янги обуна шартномаларини тузишни тўхтатади. Келажакда TPS IT-ечимларни ишлаб чиқиш ва рақамлаштириш учун маҳсулотларни яратиш билан шуғулланади.
2021 йил 1 октябрь санасидан TPS абонентларига East Telecom оператори томонидан амалдаги шартлар асосида, тегишли шартнома тузилган ҳолда хизмат кўрсатиш таклиф этилади. Ушбу ўзгаришлар фойдаланувчиларга таъсир қилмайди: хизматларни олиш шартлари бир хил бўлиб қолади. Нархлар сиёсати ва алоқа сифати ҳам ўзгаришсиз қолади.
Шу муносабат билан интернетга уланиш хизматларини олиш ҳақида юзага келган саволлар бўйича East Telecom бош офисига ёки Call-марказга мурожаат қилишингиз мумкин.
East Telecom бош офисининг манзили: Тошкент шаҳри, Миробод тумани, Тарас Шевченко кўчаси 21
Call-марказ: +99878-150-00-00
Сайт: tps.uz
Facebook: fb.com/tps
Instagram: tps_uz
Реклама ҳуқуқи асосида.
Изоҳ (0)