Маҳаллаларда, бозорларда фаолият олиб борувчи экология полицияси ходимларига хизмат автомобиллари калити топширилди. Бу ҳақда Давлат экология қўмитаси хабар қилди.
Маълум қилинишича, 18 сентябрь куни Бутунжаҳон тозалик куни доирасида Заҳириддин Бобур номидаги экобоғда экологик назорат гуруҳи учун автомобиллар тақдимоти ўтказилди.
24 август куни Шавкат Мирзиёев томонидан ўтказилган видеоселектор йиғилишида ички ишлар тизимида экология полицияси ташкил қилиниши белгиланганди.
Экополициянинг асосий вазифаси сифатида ҳудудий экология органлари билан ҳамкорликда экологик қонун бузилишларга қарши курашиш, рейд тадбирларини ўтказиш назарда тутилмоқда.
Изоҳ (0)