Ўзбекистон халқ артисти, актёр Шуҳрат Эргашев 76 ёшида вафот этди. Бу ҳақда Facebook’даги Tashkent Retrospective саҳифаси хабар берди.
Шуҳрат Иброҳимович Эргашев 1945 йилда Тошкентда туғилган. У Тошкент театр ва рассомчилик институтининг актёрлик факультетини тамомлаган (1968). Ўқишни тугатгач, Тошкент давлат академик рус драма театрида актёр сифатида бир қатор образларни яратган.
1970 йилдан «Ўзбекфильм» киностудиясида иш бошлаган, кино актёри сифатида Элёр Ишмуҳаммедовнинг «Нозиклик» (1966) фильмида дебют қилган.
Фаолияти давомида ўттиздан ортиқ фильмларда рол ўйнаган: «Дилором» (Мони), «Қўмондоннинг қайтиши» (Маузер), «У ёлғиз эмасди» (Акбаров), «Қора консулнинг ўлими» (Жамол Убайдулла), «Семурғ» (Шерзод), «Бу яхши йигит» (Тимур), «Мен сенга шаҳар бераман» (ҳайдовчи), «Учрашувлар ва ажралишлар» (Шуҳрат), «Шум бола»(киночи), «Илк йўловчилар» (Акбаров) ва шулар жумласидан.
Бундан аввал ёзувчи ва таржимон Олим Отахон, Боёвут тумани ҳокими ўринбосари Саодат Мирзаева ҳамда ёзувчи Дадахон Нурий вафот этгани ҳақида хабар берилганди.
Изоҳ (0)