«Ботокс ва фильтрларсиз ҳам гўзалсиз». Instagram фойдаланувчилари Дрю Берримор ва Камерон Диазнинг янги суратидан завқланмоқда (фото)

Дрю Берриморнинг Instagram’даги обуначилари унинг Камерон Диаз билан бирга тушган янги суратидан ҳайратда қолди.

https://www.instagram.com/p/CT19znsL0Kh/?utm_source=ig_embed&ig_rid=cdd62c6e-0288-47d6-a8e4-eef32d4db4c1

Бир суткадан камроқ вақт ичида фотога миллиондан кўпроқ лайк босилган ва 12 мингдан кўпроқ изоҳ ёзиб қолдирилган. Instagram’даги мукаммал суратлардан чарчаган кузатувчилар уларни табиий ва фотошоп қилинмаган ҳолда кўриш ёқимли эканини таъкидлаган. Изоҳларга «Фильтрлардан фойдаланмаганингиз ва табиий гўзаллигингизни сақлаб қолганингиз учун раҳмат», «Фотошопсиз ва жарроҳлик амалиёти қилинмаган юзни кўриш бирам ёқимли. Барчамизга кўпроқ шундай контент керак», — деб ёзиб қолдирилган изоҳларда.

Интервьюлардан бирида 49 яшар Диаз ботокс инъекциясини синаб кўргани, аммо кейинроқ ундан тезда воз кечганини маълум қилган. «Юзим ўзгарди ва жуда ҳам ғалати кўриниб қолди. Мен бегона юз билан юргандан кўра, қариганим яхши эканини тушуниб етдим», — деган у.

45 яшар Берримор ҳам ушбу нуқтаи назарни қўллаб-қувватлайди. «Ҳеч ким қаришни истамайди. Мен эса ғолиб бўлиш имконсиз бўлган ушбу курашда иштирок этмасликни маъқул деб биламан. Мен гўзаллик уколларидан фойдаланмаган аёлларнинг юзига қарашни яхши кўраман. Мен уларнинг латофати ва табиий қариш ҳақида айтиб берадиган ҳикояларини ёқтираман. Ўзим билан содир бўладиган ўзгаришларни қабул қилиб яшашни афзал биламан», — деган Дрю.

Маълумот учун, Берримор ва Диаз мактаб вақтларидаёқ дўстлашган. «Биз Дрю 14, мен эса 16 ёш бўлганимда танишганмиз. Биз Беверли-Хиллздаги кафеда учрашганмиз. Мен ўша вақт моделлик қилардим ва кафега боришни яхши кўрардим. Дрю эса у ерда ишларди. Шундай қилиб, дўстлашиб қолганмиз», — деб эслайди Камерон.