Dryu Berrimorning Instagram’dagi obunachilari uning Kameron Diaz bilan birga tushgan yangi suratidan hayratda qoldi.
https://www.instagram.com/p/CT19znsL0Kh/?utm_source=ig_embed&ig_rid=cdd62c6e-0288-47d6-a8e4-eef32d4db4c1
Bir sutkadan kamroq vaqt ichida fotoga milliondan ko‘proq layk bosilgan va 12 mingdan ko‘proq izoh yozib qoldirilgan. Instagram’dagi mukammal suratlardan charchagan kuzatuvchilar ularni tabiiy va fotoshop qilinmagan holda ko‘rish yoqimli ekanini ta’kidlagan. Izohlarga “Filtrlardan foydalanmaganingiz va tabiiy go‘zalligingizni saqlab qolganingiz uchun rahmat”, “Fotoshopsiz va jarrohlik amaliyoti qilinmagan yuzni ko‘rish biram yoqimli. Barchamizga ko‘proq shunday kontent kerak”, — deb yozib qoldirilgan izohlarda.
Intervyulardan birida 49 yashar Diaz botoks inyeksiyasini sinab ko‘rgani, ammo keyinroq undan tezda voz kechganini ma’lum qilgan. “Yuzim o‘zgardi va juda ham g‘alati ko‘rinib qoldi. Men begona yuz bilan yurgandan ko‘ra, qariganim yaxshi ekanini tushunib yetdim”, — degan u.
45 yashar Berrimor ham ushbu nuqtayi nazarni qo‘llab-quvvatlaydi. “Hech kim qarishni istamaydi. Men esa g‘olib bo‘lish imkonsiz bo‘lgan ushbu kurashda ishtirok etmaslikni ma’qul deb bilaman. Men go‘zallik ukollaridan foydalanmagan ayollarning yuziga qarashni yaxshi ko‘raman. Men ularning latofati va tabiiy qarish haqida aytib beradigan hikoyalarini yoqtiraman. O‘zim bilan sodir bo‘ladigan o‘zgarishlarni qabul qilib yashashni afzal bilaman”, — degan Dryu.
Ma’lumot uchun, Berrimor va Diaz maktab vaqtlaridayoq do‘stlashgan. “Biz Dryu 14, men esa 16 yosh bo‘lganimda tanishganmiz. Biz Beverli-Xillzdagi kafeda uchrashganmiz. Men o‘sha vaqt modellik qilardim va kafega borishni yaxshi ko‘rardim. Dryu esa u yerda ishlardi. Shunday qilib, do‘stlashib qolganmiz”, — deb eslaydi Kameron.
Izoh (0)