2001 йилнинг 11 сентябрь куни АҚШдаги террорчилик ҳаракатлари оқибатида 3000 га яқин инсон ҳаётдан кўз юмган. Кейинроқ эса тақдир туҳфаси билан ушбу фожиадан қутилиб қолган кишилар ҳикоялари эълон қилина бошлади. Кимнингдир ухлаб қолгани, кечиккани бошқаларнинг эса рейсни ўтказиб юборгани тирик қолишига сабаб бўлган. Айрим машҳурлар ҳам бундай омадли кишилар қаторида бўлган.
Иан Торп — уйида фотоаппаратини унутиб қолдирган
11 сентябрь куни тонгда австралиялик сузиш бўйича олимпия чемпиони югуришга чиққан. У Нью-Йоркдаги эгизак минорага қадар югуриб боришни ҳамда Жаҳон савдо марказининг 102-қаватида жойлашган томоша майдонидан Манхэттенни суратга олишни режалаштирган. Фотоаппарати меҳмонхонада қолиб кетганини эслаган спортчи такси тўхтатиб ортига қайтган. Хаёли жойида эмаслиги Ианнинг тирик қолишига сабаб бўлган. Сузувчи меҳмонхонага етиб борганида самолёт бинонинг бирига бориб урилган.
Майкл Жексон – ухлаб қолгани туфайли минорадаги учрашувга кечиккан
2001 йилнинг 11 сентябрь куни эгизак миноралардан бирининг юқори қаватида Майкл Жексон билан учрашув белгиланган. Аммо хонанда ухлаб қолгани учун уни ўтказиб юборган. Онаси Кетрин ва синглиси Ребби билан кечгача гаплашиб чиққани туфайли эртаси куни ўз вақтида туришга қийналган. Кейинроқ «Сен ёлғиз эмассан: Майкл, акамнинг кўзи билан» (You Are Not Alone: Michael, Through My Brother’s Eyes) номли биографиясида Жермейн Жексон қуйидагича ёзиб қолдирган: «Яхши ҳамки, Майклнинг эртаси куни тонгда Жаҳон савдо марказидаги учрашувга бориши ҳеч кимнинг хаёлига келмаган. Юз берган ҳодиса ҳақида хабар топганимиздан кейин онам Майкл билан ҳаммаси яхши эканига амин бўлиш учун меҳмонхонага қўнғироқ қилган». Хонанданинг ўзи эса онаси унинг олдида узоқ вақт бўлгани учун ҳам ҳаммаси яхши эканини таъкидлаб, бунинг учун унга миннатдорлик билдирган.
Сара Фергюссон – машиналар тирбандлигида қолиб кетган
Герцогиня Сара 11 сентябрь куни тонгда шимолий миноранинг 101-қаватидаги Chances for children фонди томонидан ташкил қилинган хайрия тадбирида иштирок этиши керак бўлган. NBC каналидаги Today дастурида интервью бериб чиққанидан кейин бахтли тасодиф билан машиналар тирбандлигида қолиб кетган. Оқибатда 20 дақиқага кеч қолган аёл манзилга етиб борганида ҳамма нарса ёниб кулга айланганига гувоҳ бўлган. Герцогиня ҳали ҳамон у дақиқаларни яхши хотирлайди. «Ҳаётимдаги ҳар бир дақиқани фалакнинг марҳамати деб қабул қиламан», — деган герцогиня Hello журналига берган интервьюсида.
Роб Лоу – террорчилар билан бир рейсда учган
Фожиадан бир неча кун аввал American Airlines авиакомпаниясининг ААL 11 рейсида учган Голливуд актёри Роб Лоу бортда бир неча кундан кейин авиалайнерни шимолий бинога буриб юборадиган террорчилар борлигини хаёлига ҳам келтирмаган. «Ал-Қоида» вакиллари 11 сентябрь воқеаларидан аввалроқ ҳаракатларни ҳисоб-китоб қилиш учун синов рейсини амалга оширган. У шубҳа туғдирадиган ниманидир пайқаганида, фожианинг олдини олиши мумкин эди, аммо ўша куни ҳеч нима ва ҳеч нарса эътиборини жалб қилмаган.
Гвинет Пэлтроу – бегона аёлни ўлимдан сақлаб қолган
11 сентябрь куни йога машғулотидан уйга қайтаётган Гвинетнинг машинаси қаршисидан тўсатдан бир аёл чиқиб қолган. Ишга шошганидан югуриб кетаётган Лара актрисани кўриб, йўлидан тўхтаган ҳамда ундан дастхат сўраган. Оқибатда жанубий бинонинг 77-қаватида жойлашган ишига кеч қолган. Ушбу тасодифий учрашув унинг тирик қолишига ҳисса қўшган. 10 йилдан кейин Лара Гвинетга миннатдорчилик билдириб мактуб юборган. Агар ўшанда актриса йўлидан чиқмаса ва у билан суҳбатлашмаса, вафот этган кишилар қаторида бўлган бўларди.
Марк Уолберг — сўнгги дақиқада самолёт (террорчилар бор бўлган)га чиқиш фикридан қайтган
Актёр 2001 йил 11 сентябрда ўша шимолий бинога бориб урилган самолёт — American Airlines авиакомпаниясининг ААL 11 рейси учун чипта сотиб олган бўлган. Нима ҳам бўлган-у Уолберг режаларини ўзгартириб, Торонтодаги кинофестивалга боришга қарор қилган. «Агар болалар билан самолётда бўлганимда, ҳаммаси бошқача бўлган бўларди. Биринчи классда кўп қон оққан бўларди ва мен «Қани ҳаммамиз хавфсиз жойга ўтириб оламиз, деган бўлардим», — деган Уолберг Men’s Journal журналига берган интервьюсида. Аммо кейинроқ биринчи классдаги йўловчиларга нисбатан ноҳақ муносабатда бўлганини англаб етган актёр айтган гаплари учун узр сўраган. «Ҳалок бўлганларнинг оиласидан узр сўрайман. Хоҳламаган ҳолда қўпол фикр билдирдим», — деган у.
Сет Маффарлейн – рейсга кеч қолган
Ёзувчи ва комикслар муаллифи ҳам Марк Уолберг террорчилар билан бир рейсда учиши керак бўлган. Аммо ичкиликдан кейинги бош оғриғи сабаб рейсга кеч қолган. 10 дақиқа эрта келганида у ҳам самолёт ва бинодаги кишилар қаторида вафот этган бўларди.
Изоҳ (0)