Нидерландия қироли Виллем-Александрдан олтин арава олиб қўйилди. Бу ҳақда маҳаллий DUIC портали хабар берди.
Порталнинг ёзишича, мамлакатда «маданий уруш» давом этмоқда, бунинг натижасида эски урф-одатлар йўқ қилинмоқда. Хусусан, мамлакатда ўтказиладиган Шаҳзода куни аввалгидек нишонланмади. Нидерландия қироли Виллем-Александр олтин аравада Гаага парламентига бориши керак эди. Аммо монархга анъанавий транспорт воситаси берилмади. Бунинг сабаби — унинг олтин араваси жамиятда бўлиниш келтириб чиқарган. Натижада қирол халқ билан саломлаша олмади.
Қайд этилишича, энди қирол ўзининг ҳашаматли транспорт воситасини фақат Амстердам музейида томоша қилиши мумкин бўлади.
Эслатиб ўтамиз, Нидерландия қироли Виллем-Александр 21 йил давомида KLM авиакомпанияси фуқаролик рейсларида учувчи бўлиб ишлаган. Йўловчилар бу ҳақда билмаган. У 2013 йилда тахтга ўтирганидан кейин ҳам учувчилик қилишда давом этган.
Изоҳ (0)