Италия чемпионатининг 3-туридан ўрин олган бир қатор учрашувлар 12 сентябрь, якшанба куни бўлиб ўтди.
«Рома» ўз майдонида «Сассуоло»ни қабул қилди. Учрашувнинг 37-дақиқасида Брайан Кристанте «Рома»нинг дастлабки голини урди. 57-дақиқада Филип Журичич ҳисобни тенглаштирди.
Элдор Шомуродов 74-дақиқада захирадан майдонга тушди. Ҳакам томонидан қўшиб берилган вақтда Шомуродовнинг узатмасидан кейин Стефан аш-Шаарави римликларнинг ғалаба тўпини киритди.
«Милан» турнинг марказий ўйинларидан бирида «Лацио»га қарши баҳс олиб борди. Биринчи бўлим якунланиши арафасида Рафаэл Леау миланликларни олдинга олиб чиққан бўлса, 67-дақиқада Златан Ибраҳимович жамоасининг иккинчи голини урди. Қолган вақтда ҳисоб ўзгармади.
«Интер» Генуяда «Сампдория» меҳмони бўлди ва икки бор олдинда бориб, ғалабани ушлаб қололмади. Меҳмонлар сафида Федерико Димарко ва Лаутаро Мартинес ўз ҳисобига гол ёздириб қўйган бўлса, майдон эгаларининг голларига Майа Ёшида ва Томмазо Аужелло муаллифлик қилди.
3-турдан кейин «Рома», «Милан» ва «Наполи» 9 очко билан пешқадамлик қилмоқда.
Топ-5 лигалар онлайн жадваллари, ўйинлар тақвими, тўпурарлар рўйхати — кўриш.
А Серия
3-тур баҳслари
12 сентябрь, якшанба
«Рома» — «Сассуоло» 2:1
Голлар: 1:0 – 37 Кристанте, 1:1 – 57 Журичич, 2:1 – 90+1 аш-Шаарави.«Рома»: Руй Патрисиу, Карсдорп (Рейнолдс, 89), Манчини, Рожер, Виня, Мхитарян (аш-Шаарави, 70), Верету (Карлес Перес, 74), Кристанте, Пеллегрини, Заниоло (Шомуродов, 74), Абраҳам.
«Сассуоло»: Консилйи, Толян, Кирикеш, Ferrari, Рожерио, Журичич (Траоре, 84), Лопес, Бога (Кирьякопулос, 89), Фраттези (Айхан, 84), Берарди (Дефрел, 77), Распадори (Скамакка, 46).
Огоҳлантиришлар: Кирикеш (36), Рожер (43), Кристанте (66).
«Милан» — «Лацио» 2:0
Голлар: 1:0 – 45 Рафаэл Леау, 2:0 – 67 Ибраҳимович.«Милан»: Меньян, Калабрия, Романьоли, Томори, Эрнандес, Флоренци (Салемакерс, 61), Кессиэ (Бакаёко, 61; Беннасер, 74), Тонали, Ребич, Рафаэл Леау (Ибраҳимович, 60), Браим Диас (Балло-Туре, 80).
«Лацио»: Рейна, Марушич (Лазари, 64), Ачерби, Луис Фелипе, Хьюсай, Лейва, Луис Альберто, Милинкович-Савич (Башич, 74), Педро (Моро, 84), Иммобиле (Мурики, 84), Фелипе Андерсон (Закканйи, 64).
Огоҳлантиришлар: Марушич (17), Рейна (45), Луис Альберто (45), Хьюсай (57), Бакаёко (63).
«Сампдория» — «Интер» 2:2
Голлар: 0:1 – 18 Димарко, 1:1 – 33 Ёшида, 1:2 – 44 Мартинес, 2:2 – 47 Аужелло.«Сампдория»: Аудеро, Берешински, Ёшида, Колли, Аужелло (Мурру, 78), Кандрева, Дамсгор (Верре, 78), Адриен Сильва (Торрегросса, 88), Торсбю, Куальярелла (Аскилдсен, 68), Капуто.
«Интер»: Ҳанданович, Дармиан, де Врей, Шкриньяр, Димарко (Думфрис, 67), Перишич (Д`Амброзио, 54), Брозович (Видаль, 54), Чалхонўғлу (Сенси, 67), Барелла, Жеко, Мартинес (Корреа, 62).
Огоҳлантиришлар: Брозович (22), Торсбю (35), Берешински (66), Колли (82), Адриен Сильва (88), Жеко (89), Корреа (90), Видаль (90).
Изоҳ (0)