Ўзбекистон футзал терма жамоаси 12 сентябрь куни Жаҳон чемпионатидаги иштирокини бошлади.
Ўзбекистонлик футзалчилар дастлабки турда Гватемалага қарши баҳс олиб борди. Биринчи бўлимда рақибларнинг учта голига Ўзбекистон Ихтиёр Ропиевнинг аниқ зарбаси билан жавоб қайтарди.
Иккинчи бўлимда ҳимоядаги хатодан кейин рақиблар тўртинчи голни урди. Кейинчалик Ропиев яна иккита тўп киритган ҳолда ҳисобни қисқартирди. Сўнгги дақиқаларда Гватемала вакили ўз дарвозасини ишғол қилиб қўйди ва ҳисоб тенглашди. Сўнгги сониялар ўтиб бораётган бир вақтда гватемалаликлар бурчак зарбасидан кейин 5-голни уриб, ғалабани илиб кетди.
Гуруҳнинг иккинчи ўйинида Россия терма жамоаси Мисрни 9:0 ҳисобида мағлубиятга учратди.
ЖЧ—2021
1-тур баҳси
12 сентябрь, якшанба
Ўзбекистон — Гватемала 4:5
Голлар: 0:1 – 4 Фернандо Кампаньяк, 0:2 – 5 Марвин Сандовал, 1:2 – 6 Ихтиёр Ропиев, 1:3 – 7 Алан Агулиар, 1:4 – 22 Марвин Сандовал, 2:4 – 25 Ихтиёр Ропиев, 3:4 – 35 Ихтиёр Ропиев, 4:4 – 38, автогол Алварадо Роман, 4:5 – 40 Алан Агулиар.Ўзбекистон: Рустам Умаров, Ихтиёр Ропиев, Илҳом Ҳамроев, Ҳусниддин Нишонов, Даврон Чориев.
Захира: Равшан Элибоев, Анасхон Раҳматов, Машраб Одилов, Музаффар Аҳаджонов, Дилшод Раҳматов, Элбек Тўлқинов, Акбар Усмонов, Хушнур Эркинов, Суннатилла Жўраев.
Изоҳ (0)