Apple компаниясининг онлайн тақдимоти 14 сентябрь куни Тошкент вақти билан соат 22:00 да бошланади. Тақдимот давомида компаниянинг янги қурилмалари — iPhone 13, Apple Watch Series 7 смарт-соати, AirPods 3 ва янги iPad планшети тақдим этилиши кутилмоқда, деб хабар беради Hi-Tech.Mail.ru.
Янги линейкадаги смартфонлар яхшиланган аккумуляторларга эга бўлади. Аммо бунга хурсанд бўлиш керак эмас: ушбу ўзгариш 120 герцли экран режимининг ишлашини таъминлашга хизмат қилади — смартфонлар экрандаги контентдан келиб чиқиб, оптимал кадр частотасини танлай олади.
Шунингдек, маълумотларга кўра, бир кристалли Apple А15 тизими смартфонларнинг энергия сарфини 15-20 фоизга тежаш имконини беради. Бундан ташқари, қурилмалар адаптив тасвир янгиланиш частотасига эга янги экранларга эга бўлади.
Аввалроқ интернетда iPhone 13 Pro’нинг қувватлантириш «разём»исиз тасвирланган суратлари тарқалган, Apple компанияси iPhone 13 моделлари тақчил бўлишидан огоҳлантирган эди.
Изоҳ (0)