Мутлақо ўзгача дизайн ва коронавирус сабаб алоқадаги узилишлар Apple’нинг янги «ақлли» соатларини ишлаб чиқариш жадвалига таъсир кўрсатмоқда, деб хабар беради Hi-Tech.Mail.ru.
Тарқалган маълумотларга кўра, Apple Watch Series 7 каттароқ экранга эга бўлиши (1 миллиметрга) ва 41 ҳамда 45 миллиметрли ўлчамларда етказиб беришли керак. Уларнинг дизайни iPhone 12 ва iPhone 13 дизайнига мос келади — уларнинг чет қисми текис ва ингичка.
Бундан ташқари, Apple Watch’нинг кейинги авлодлари янги функцияларга, масалан, артериал қон босимини ўлчаш имкониятига эга бўлади. Бу ишлаб чиқаришда кичик корпусга кўплаб эҳтиёт қисмларни жойлаштириш кераклигини англатади. Манбаларнинг сўзларига кўра, янги маҳсулот сув ўтказмаслик талабига жавоб бериши керак, бу эса муҳандислар ва ишлаб чиқариш вазифасини янада мураккаблаштиради.
Apple ва унинг етказиб берувчилари муаммони ҳал этиш ҳамда янги дизайнни соатлар оммавий ишлаб чиқаришга йўналтирилишидан олдин сертификатдан ўтказишга уринмоқда. Маълум қилинишича, аввалроқ, компания соатларни оммавий ишлаб чиқаришни сентябрь ўрталарига режалаштирган. Аммо ҳозирда Apple эҳтиёт қисмларни етказиб берувчилардан бироз шошмасликни сўрамоқда.
Apple Watch Series 7 ҳамон iPhone 13 билан бирган онлайн-тақдимотда намойиш этилиши мумкин. Манбанинг сўзларига кўра, мавжуд муаммолар Америка компаниясининг қурилмаларни тарқатиш борасидаги режасига таъсир кўрсатиши мумкин.
Аввалроқ Apple Watch 2022 йилдан бошлаб босим, қондаги қанд ва алкоголь миқдорини ўлчашни ўрганиб олиши тўғрисида хабар берилганди.
Изоҳ (0)