Бир кристалли платформа MediaTek, 50 Мп ва 33 ватт. Redmi ўзининг янги смартфонини тақдим этади

Xiaomi компанияси К16А каталог рақами остидаги янги смартфонини сертификациядан ўтказмоқда, деб хабар беради IXBT.

Маълумотларга кўра, мазкур смартфон Redmi бренди остида тақдим этилади ва Redmi К40 Lite номига эга бўлади. Афтидан, бу Redmi K40 Game Enhanced Edition’нинг ён томонларида магнит клавишлари бўлмайдиган содда версиясига айланади.

Таъкидланишича, К16А 33 ваттли қувватланиш функциясига эга бўлади. Шунингдек, смартфон бир кристалли MediaTek платформаси ишлайди, экрани юқори частотали (120 герцли) бўлади, камераси асосий датчиги 50 мегапиксел бўлган кўп модуллардан таркиб топади. Умуман олганда Redmi К40 Lite’нинг нархи Redmi K40 Game Enhanced Edition’дан кўра, сезиларли даражада арзон бўлади.

Маълумот учун, Redmi K40 Game Enhanced Edition уч хил — оқ, қора ва кул ранг рангларида сотувга чиққан бўлиб, унинг энг арзон версиясини (6/128 ГБ) нархи 310 долларни ташкил этган.

Эслатиб ўтамиз, Redmi компанияси февраль охирида бешта янги қурилмаси — Redmi К40, К40 Prо, К40 Prо+ смартфонлари, RedmiBook Pro ноутбуги ва Redmi AirDots 3 симсиз наушнигининг тақдимотини ўтказган эди.