iPhone 13 Pro’ning noodatiy ranglardagi tasviri e’lon qilindi

Ben Geskin ismli taniqli insayder iPhone 13’ning yangi — bronza va odatiy ko‘k rangdagi tasvirlari bilan bo‘lishdi, deb xabar beradi Hi-Tech.Mail.ru. Ta’kidlanishicha, bu haqiqiy surat emas, balki ko‘plab mish-mishlar asosida grafik tahrirlagichda ishlangan konsept-artlar hisoblanadi.

Shuningdek, internetda yangi iPhone 13 ning Pro versiyasining qora xira rangli tasvirini ham uchratish mumkin:

Avvalroq Apple kompaniyasining 2021-yilda taqdim etiladigan iPhone lineykasida tilla rangning ikkita yangi jilosi paydo bo‘lishi to‘g‘risida xabar berilgandi. Xususan, e’lon qilingan kadrlarda Pro Max to‘rt xil rangda tasvirlangan. Oq va qora ranglari bilan bir qatorda (ular Pearl va Matte Black nomli) Apple tilla rangining yangi ikkita jilosiga ega variantlarni — Sunset Gold va Rose Gold’ni taqdim etishga tayyorlanmoqda.

Apple o‘zining yangi seriyasi uchun qaysi ranglarni tanlagani tez orada ma’lum bo‘ladi. Kompaniyaning onlayn taqdimoti sentabr oyining uchinchi haftasiga mo‘ljallangan.