Анжелина Жоли, Кейт Уинслет ва илк ролидаги кўринишидан таниш мушкул бўлган бошқа юлдузлар (фото)

Машҳур ва миллионлаб мухлисларга эга актёр-актрисалар карьерасини қандай фильмларда суратга тушишдан бошлагани ҳамда бу вақтда қандай кўринишга эга бўлгани ҳақида маълумот бериб ўтамиз.

Кейт Уинслет

Кейт карьерасини 12 ёшида нонушта ёрмасининг рекламасида суратга тушишдан бошлаган. 15 ёшга тўлганида «Қора мавсум» илмий-фантастик сериалидан роль берилган. Орадан 3 йил ўтиб уни катта кино — Питер Жексоннинг психологик драмасида роль ўйнаган. Мазкур ижроси сабаб бир қанча киномукофотлар, хусусан, «Энг яхши британиялик актриса» йўналиши бўйича Empire Awards’ни қўлга киритган.

Жейк Жилленҳол

Режиссёр ва сценарий муаллифи оиласида дунёга келган Жейк, болалигиданоқ суратга туша бошлаган. «Шаҳарлик олифталар» фильмида дебют роль ижро қилган актёр, тасвирга олиш жараёнидан кейин дарҳол бошқа бир фильм учун синовдан ўтган. Аммо ота-онаси ўғлини узоққа юборишни истамаган. Вояга етгунига қадар ижро этган фильмларнинг биттасидан ташқари деярли барчаси отасининг лойиҳалари бўлган. Масалан, полициячи ҳақидаги Робин Уильямс суратга тушган сериалда у эпизодик роль ижро қилган.

Элайжа Вуд

Элайжа болалигиданоқ мактабдаги постановкаларда иштирок этган. Илк бор катта кинода суратга тушганида ёши саккизда бўлган. У «Келажакка қайтиб-2» фильмида эпизодик қаҳрамонни гавдалантирган. Кейинчалик бошқа бир қанча лойиҳаларда унча катта бўлмаган ролларни ижро қилган актёрга танқидчилар эътибори «Уруш» фильмидан кейин тушган. Айнан шу ижроси сабаб драматик фильмдаги энг яхши актёр сифатида Young Star Award’ни қўлга киритган.

Кирстен Данст

3 яшарлигидаёқ телевизион рекламада суратга тушган актриса, 6 ёшида Вуди Аленнинг қисқа метражли фильмида дебют роль ижро қилган. Кинотанқидчилар уни «Вампир билан интервью» драмасида Клаудияни гавдалантирганидан кейин пайқаган. Ушбу фильмда Кирстенга Том Круз ва Брэд Питт шерик бўлган. 13 ёшида ўз вақтининг энг кассабоп фильмларидан ҳисобланган «Жуманжи»да роль ўйнаган.

Кристен Стюарт

Кино оламидаги фаолиятини 8 ёшидан бошлаган Кристен «Қўрқув хонаси»да Жоди Фостерни гавдалантирганидан кейин ўзига эътибор жалб қилган. Ушбу ижроси сабаб Young Artist Award мукофотига номзоди қўйилган. «Тақиқланган миссия» фильмида эса бош қаҳрамон сифатида иштирок этган. Сюжетга кўра, у отасининг операциясига пул топиш учун банкни тунашга қарор қилган қиз ролини ўйнаган.

Скарлетт Йоханссон

Болалигидан актриса бўлишни орзу қилган Скарлетт, Нью-Йоркдаги болаларни актёрликка тайёрлайдиган хусусий мактабда ўқиган. Уринишлари бесамар кетмаган: 9 ёшида Элайжа Вуд ва Брюс УиллИс билан бирга «Шимол» номли фантастик комедияда суратга тушган. Илк асосий ролини эса 12 ёшида «Менни ва Ло» фильмида ижро қилган. Мазкур ижроси сабаб Independent Spirit Awards мукофотига номзод бўлган.

Тимоти Шаламе

12 ёшидан реклама роликларида суратга тушиб юрган Тимоти «Қонун ва тартиб» номли машҳур сериалда унчалик аҳамияти бўлмаган роль ижро қилган. 2012 йилда Шаламе «Ватан» сериалида вице-президентнинг тантиқ арзандасини гавдалантирган. Айнан мазкур ролидан кейин катта кинодан таклифлар келиб туша бошлаган.

Том Ҳолланд

10 ёшидан театрда иштирок этиб юрган Том, дебют ролини 2004 йил Таиланддаги цунами вақтида содир бўлган воқеалар ҳақидаги «Имконсиз» фильмида ижро қилган. Мазкур лойиҳа бир қанча мукофотларга лойиқ деб топилган.

Анжелина Жоли

Анжелина Жоли илк бор отасининг сценарийси асосида суратга олинган ва прокатда муваффақиятсиз натижа қайд қилган«Чиқиш йўлини излаб» номли комедияда суратга тушган. Кейинги сафар экранда кўриниш берганида у 18 ёшда бўлган. Жоли номи таъкидланган фильмнинг иккинчи қисмида роль ижро қилган. 2014 йилда Entertainment Weekly журнали мазкур картинани актриса фильмографиясидаги энг ёмон фильм деб атаган. Машҳурликка «Жиа» фильмидаги ролидан кейин эришган. Ундаги роли сабаб Жоли бир қанча нуфузли мукофотларга сазовор бўлган, шунингдек, «Эмми»га номзоди қўйилган.

Сирша Ронан

Сирша карьерасини Ирландия сериалларидаги эпизодик ижродан бошлаган. Катта экранда «Ҳеч қачон сеники бўлмайман»даги иштироки билан кўриниш берган, аммо мазкур фильм мухлислар қалбидан жой ололмаган, танқидчилар ҳам ижобий баҳо бермаган. «Гуноҳни ювиш» кинолентаси эса томошабин ва киномутахассислар томонидан илиқ кутиб олинган. Ушбу роль сабаб 13 яшар Ронан, «Оскар», «Олтин Глобус» ва «Бафта» мукофотларига номзод бўлган.

Риз Уизерспун

Риз 15 ёшида «Ойдаги одам» фильмида суратга тушиш учун синовда қатнашган. Бунга қадар фақат реклама роликларида иштирок этган бўлган. Аммо салоҳиятини пайқаган режиссёр унга бош қаҳрамон ролини таклиф қилган. Натижада Уизерспуннинг ишига танқидчилар ижобий баҳо берган, Young Artist Award мукофотининг «Энг яхши ёш актриса» йўналишига номзоди қўйилган.