Ҳар бир мавсумда мода оламида янгиликлар бўлгани каби соч турмагида ҳам ўзгаришлар бўлиб туради. Иссиқ ёз фаслида соч турмагига унчалик аҳамият берилмаган бўлса-да, салқин кунлар бошланиши билан унга эътибор қаратила бошлайди. Қуйида куз мавсумида урфга кирадиган чиройли ҳам қулай соч турмакларини эътиборингизга ҳавола этамиз.
Узун сочлар
Узун сочлар ҳеч қачон урфдан қолмайди, лекин охирги ўн йилликда аёлларнинг соч турмагида жиддий ўзгаришлар юз берди. Бироқ ўтган йилги карантин ўз вазифасини бажарди: гўзаллик салонлари фаолият юритмаганлиги сабабли кўпчилик сочларни ўстиришга қарор қилди. Натижада икки йилдан буён узун ва силлиқ сочлар тенденцияга айланган. Шунингдек, узун сочларни парваришлаш ҳам анча қийин. Бу мунтазам равишда парвариш, ниқоблар, озиқлантирувчи ёғлар ва, албатта, эътиборни талаб этади.
Гарсон
Бу туб ўзгаришларга тайёр бўлганлар учун вариант. Шунингдек, ушбу соч турмаги ҳам ҳеч қачон ўз аҳамиятини йўқотмаган. Бундай соч турмаги бўйиннинг нафислигини таъкидлаб, юз хусусиятларини янада ифодали қилади. Юлдузлардан Виктория Бекхем, Кейт Мосс ва Линда Эвангелиста бир вақтнинг ўзида бундай кескин ўзгаришларга қарор қилган.
Лесенка
Ўзгаришни хоҳлаганлар, лекин кўп йиллар давомида сочларни ўстирган бўлса, гарсон яхши танлов эмас. Чунки қиш мавсуми яқинлигини ҳам инобатга олиш зарур. Кетма-кет узунликдаги турмак сочнинг узунлигини сақлаб қолган ҳолда янги кўриниш беради.
Узайтирилган бобкаре
Боб соч турмаги бир неча йиллардан буён асосий тенденциялар рўйхатида бўлиб келмоқда ва, эҳтимол, ўз позицияларидан воз кечмоқчи эмас. Кузда ушбу соч турмагининг узайтирилган версиясига эътибор қаратиш лозим. Турмакнинг афзаллиги шундаки, у ҳам текис, ҳам жингалак сочларга тўғри келади. Шунингдек, юзнинг овалини тўғрилайди, тери камчиликларини яширишга ёрдам беради ва думалоқ юзни визуал равишда чўзади.
Чёлка
Тўғри, чёлка ҳар қандай юз шаклига ҳам тўғри келавермайди, мода оламида ҳам чёлка билан яратилган образ унчалик ҳам кўп эмас. Бироқ сўнгги икки мавсумда чёлка асосий тенденциялар пойдеворини ишончли ушлаб турибди. Соч турмаги образни бузилмаслиги учун уни юзнинг шаклига қараб танлаш жуда муҳим.
Изоҳ (0)