Қашқадарё вилоятининг Деҳқонобод туманида ҳаракатланиб кетаётган Nexia бошқарувни йўқотиб, 15 метр чуқурликдаги жарликка қулаб тушган. Бу ҳақда туман ҳокимлиги ахборот хизмати маълум қилди.
Қайд этилишича, воқеа содир бўлган пайтда Nexia бошқарувида 19 ёшли деҳқонободлик ҳайдовчи С.Ж. бўлган.
Ҳокимлик ахборот хизматининг туман Йўл ҳаракати хавфсизлиги бўлими бошлиғи Баҳром Назаровга таяниб хабар беришича, воқеа бугун, 5 сентябрь куни соат 13:30 ларда М39 Олмаота—Тошкент—Термиз халқаро автомобиль йўлининг Деҳқонобод туманидан ўтувчи 1283-километрида содир бўлган.
«Ҳайдовчи билан суҳбатлашганимизда у тоғасиникига кетаётганда тоби қочиб қолиб, бошқарувни йўқотганини ва оқибатда автоҳалокат содир бўлганини айтди. Шунга қарамасдан ҳайдовчини шифокор кўригидан ўтказганимизда, ҳайдовчи ҳушёр ҳолатда бўлгани, спиртли ичимлик истеъмол қилмагани маълум бўлди», — дейди Баҳром Назаров.
Баҳром Назаровнинг қўшимча қилишича, ЙТҲ содир бўлган пайтда машинада ҳайдовчининг ўзи бўлган. Айни пайтда ҳайдовчининг аҳволи яхшилиги айтилмоқда.
Аввалроқ Сирдарёда Nexia пиёдани уриб, воқеа жойидан қочиб кетгани, жабрланувчи эса ҳодиса жойида вафот этгани хабар берилганди.
Мавзуга доир:
- Сурхондарёда Nexia ва Matiz тўқнашуви оқибатида бир киши вафот этди. Ҳайдовчилардан бири реанимацияга жойлаштирилди
- Тошкентда «ўтказиб юбормагани» учун Matiz’нинг ойналарини синдириб ташлаган ҳайдовчи қўлга олинди
- Сурхондарёда Cobalt ва «Жигули» иштирокидаги ЙТҲ оқибатида ҳайдовчилардан бири вафот этди
Изоҳ (0)