Tesla раҳбари Илон Маск компания ходимлари билан ўтказилган йиғилишда ҳамёнбоп электромобил — Tesla Моdel 3 агрегатларидаги хетчбекни тақдим этиш режалари билан ўртоқлашди, деб хабар беради IXBT.
Истиқболдаги Tesla Моdel 2 (ҳозирча уни шундай аташмоқда) 2023 йилда тақдим этилади. Дастлабки маълумотларга кўра, лойиҳа Tesla’нинг Хитойдаги бўлинмасига тегишли бўлиб, у ҳозирда синовда ўтказилмоқда. Моделнинг расмий тақдимоти 2021 йил охирида ёки 2022 йил бошида бўлиб ўтади.
Шунингдек, Маск ходимлар билан суҳбатда Моdel 2 мутлақо автоном автомобилга айланишига шама қилган — унга рул ҳам, тепкилар ҳам керак бўлмайди. «Ушбу машина руль ва тепкиларга эга бўлишини истаймизми?», — дея савол билан юзланган Маск.
Tesla раҳбари 2023 йилга бориб компаниянинг автопилоти етарли даражада «ақлли» бўлишига ишонмоқда. Аммо хусусий компания раҳбарининг хоҳиши ва назорат органларининг фикри доим ҳам бир жойдан чиқавермайди: улар умумий фойдаланишдаги йўлларда рул ва тепкиларсиз машинанинг чиқишига йўл қўймаслиги мумкин.
Умуман олганда, 25 минг доллар эвазига илғор автопилот тизимига эга электромобилни харид қилиш таклифи жозибадор ҳисобланади. Tesla’нинг ҳозирги автомобилларига эгалик қилувчилар унинг учун 10 минг доллар тўлаши керак бўлади холос.
Аввалроқ Tesla Моdel 3 велосипедчи билан тўқнашувнинг олдини олиш тестидан ўта олмагани, Tesla электрокарлари рус тилида «гапиришни» бошлагани тўғрисида хабар берилганди.
Изоҳ (0)