Тошкент халқаро аэропортида учиб кетувчилар учун янги зал очилди

Тошкент халқаро аэропортида учиб кетувчилар учун янги зал очилди, деб хабар беради Uzbekistan Airports матбуот хизмати.

Учиш залига янги муҳандислик-технология қурилмалари ўрнатилган, «яшил» ва «қизил» коридорлар амалда, йўловчиларни рўйхатдан ўтказиш учун 12 та пункт, 6 та паспорт ва чегара назорат пункти мавжуд, Wi-Fi тармоғи ва Duty Free дўконлари, қаҳвахона, она ва бола учун замонавий хона иш бошлаган, телескопик трап учун чиқиш зонаси ва автобусга чиқишга иккита гейт ўрнатилган.

«Тошкент аэропорти халқаро авиатармоқларининг амалдаги учиш залини реконструкция қилишнинг иккинчи босқичи 2021 йилнинг октябрига режалаштирилган бўлиб, у 2022 йилнинг майида якунланади», — дейди Uzbekistan Airports бошқарув раиси Раъно Жўраева.

Шу билан бир қаторда янги VIP-зал очиш, мамлакат аэропортларида замонавий савдо, умумий овқатланиш, банк ва бошқа йўловчиларга хизмат кўрсатиш, шу жумладан, давлат-хусусий шериклик асосида кўпайтириш режалаштирилган.

Эслатиб ўтамиз, июль ойида Тошкент халқаро аэропортининг эстакадаси транспорт ҳаракати учун тест режимида очилганди.