Британия қироллик оиласидаги энг чиройли аёл номи маълум бўлди. Аммо у Кейт Миддлтон ҳам, Меган Маркл ҳам эмас

Кўпчилик қироллик оиласи деганда биринчи галда Меган Маркл ва Кейт Миддлтонни эсга олади ва улар доимо бир-бири билан таққосланади. Бироқ уларнинг ҳеч бирига Буюк Британиянинг ҳукмрон оиласи аъзолари орасида энг гўзал аёл унвони берилмаган, гарчи кўпчилик ҳар иккала герцогиняни ташқи кўриниш жиҳатдан чиройли деб ҳисобласа ҳам.

Елизавета II нинг жияни ва ака-ука Гарри ва Уильямнинг амакиваччаси 26 ёшли Амелия Виндзор қироллик оиласидаги энг гўзал аёл деб топилди. Қиз тахтга меросхўрлик қилиши бўйича 42-ўринда. Бироқ унга бундай машҳурликни нафақат қироллик оиласига мансублиги, балки унинг моделлик карьераси ҳам олиб келди.

Tatler журнали Меган Маркл ва Кейт Миддлтонларнинг машҳур бўлишига қарамай улардан ёқимтойроқ бўлиб чиққан Амелияни герцогиня ва маликалар орасида «Гўзаллик қироличаси» унвонига муносиб кўрди.

Аммо Амелия хоним Гарри ва Уильямнинг рафиқалари каби мухлислар армиясига эга бўлмаса-да, бир қанча машҳур журналлар қизни кўп йиллар давомида қироллик оиласининг асосий услуб белгиси деб аташган. Бу борада улар ҳақ: Амелия Виндзор — дунёдаги кўплаб подиумларни забт этган профессионал модель. Қироличанинг жияни Кейт Мосс, Кара Делевин, Синди Кроуфорд ва бошқалар ишлайдиган таниқли моделлик агентликлари билан шартнома имзолаган. Амелия — Dolce & Gabbana модалар уйи кўргазмаларининг севимли модели, шунинг учун у тез-тез мазкур мода брендининг ҳашаматли либосларида намоён бўлади.

Аммо 26 ёшли Виндзор хонимнинг муваффақияти шу билан тугамайди. Қиз, шунингдек, йирик журналлардан бирида штатдан ташқари муҳаррир бўлиб ишлайди, чунки Амелия болалигиданоқ ҳаётини журналистика билан боғлашни орзу қилган.