Президент Шавкат Мирзиёевнинг фармони билан Ботир Зокиров «Эл-юрт ҳурмати» ордени билан мукофотланди.
Ўзбек эстрадаси асосчиси, санъаткор Ботир Зокиров таваллудининг 85 йиллиги муносабати билан тақдирланди.
«Ўзининг буюк истеъдоди, ноёб ва бетакрор ижоди билан ўзбек эстрада санъатига асос солиб, миллий маданиятимизни ривожлантириш, унинг шон-шуҳратини дунё халқлари ўртасида кенг тарғиб этишга қўшган беқиёс ҳиссаси, ёш авлодни Ватанга муҳаббат ва садоқат, миллий ва умуминсоний қадриятлар руҳида тарбиялаш борасидаги унутилмас хизматларини инобатга олиб ҳамда таваллудининг 85 йиллиги муносабати билан халқимизнинг ардоқли фарзанди, буюк санъаткор, Ўзбекистон халқ артисти, марҳум Ботир Каримович Зокиров ‘Эл-юрт ҳурмати’ ордени билан мукофотлансин», — дейилади фармон матнида.
Маълумот учун, Президентнинг 2020 йил 2 декабрдаги қарорига мувофиқ, 2021 йилда Ўзбекистон халқ артисти Ботир Зокиров таваллудининг 85 йиллиги нишонланади. Ушбу сана муносабати билан Тошкент шаҳрида санъаткор ҳайкалини ўрнатиш белгиланган.
Мавзуга доир:
- Ҳожибой Тожибоевдан Мирза Азизовгача. Ўзбекистон мустақиллигининг 30 йиллиги муносабати билан марҳум ижодкорлар мукофотланди
- Жаҳонгир Ортиқхўжаевдан Зафар Ҳошимовгача. Ўзбекистон мустақиллигининг 30 йиллиги арафасида бир гуруҳ ижтимоий-иқтисодий соҳа вакиллари мукофотланди
- Президент фармонига асосан «Дарё» муҳаррири Севара Нишонова «Шуҳрат» медали билан мукофотланди
Изоҳ (0)