Вилоят ҳокимлари йил якунига қадар аҳоли массивларида 855 гектар майдонга эга яшил майдон ҳамда 585 гектар майдонда жамоат паркларини ташкил этади. Бу ҳақда Президент Шавкат Мирзиёев раислигида ўтказилган йиғилишда давлат раҳбари таъкидлаб ўтди, дея хабар бермоқда «Дарё» мухбири.
Қайд этилишича, Тошкент вилоятида — 275 гектар, Самарқандда — 155 гектар, Сурхондарёда — 140 гектар, Жиззахда — 130 гектар, Андижонда — 125 гектар, Фарғонада — 108 гектар, Хоразмда — 80 гектар, Қорақалпоғистонда — 68 гектар, Навоий ва Қашқадарёда — 63 гектардан, Бухорода — 56 гектар, Сирдарё ва Наманганда 50 гектардан ер ажратилади. Бунда, ушбу ҳудудлар ер ва мол-мулк солиғидан тўлиқ озод қилинади.
«Бундан ташқари, ҳар бир маҳаллада дарахтларнинг эгаси уни парваришлаш учун масъуллар бўлиши шарт. Афсуски, бизда бундай тизим йўқ. Бу борада Гулистон шаҳрида барча кўп йиллик дарахтлар хатловдан ўтказилиб, уларнинг паспорти қилинган.
Шу боис, И.Боқижонов, Кадастр агентлиги (Умаров) йил якунига қадар дарахтларни бино ва иншоотлар мулкдорларига бириктириш ва кадастр паспортини тақдим этиш тизимини жорий этсин. Ишметов, Қудбиев бир ой муддатда тадбиркорларга бириктирилган дарахтларни сақлаш харажатларини фойда солиғидан чегириб ташлаш бўйича таклиф киритсин», — деди Президент.
Мавзуга доир:
- «Тошкентнинг ҳамма жойида кўп сув талаб қиладиган арча ва газон кўпайиб кетди» – Шавкат Мирзиёев
- Шавкат Мирзиёев: «Ҳар бир туман ва шаҳарда дарахтларни сақлаш бўйича гуруҳлар ташкил этилади»
- Ўзбекистоннинг ҳар бир шаҳар ва туман марказида камида иккитадан «яшил майдон» ва жамоат парклари ташкил этилади
Изоҳ (0)