Тошкент вилоятининг Юқори Чирчиқ тумани ҳокимига тегишли машина 16 ёшли қизни уриб юборди. Бу ҳақда Бош прокуратура матбуот хизмати «Дарё»га маълум қилди.
Маълум қилинишича, 20 август куни 27 ёшли ҳайдовчи У.А. давлат рақами 10 020 DAV бўлган Captiva автомашинасида 2005 йилда туғилган қизни уриб юборган. Олинган жароҳатлар туфайли қиз касалхонага олиб кетилаётганда вафот этган.
Бош прокуратура У.А. Юқори Чирчиқ тумани ҳокимининг ҳайдовчиси эканини тасдиқлаган.
Мазкур ҳолат бўйича, Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Юқори Чирчиқ тумани ИИБ томонидан тергов ҳаракатлари олиб борилмоқда.
Эслатиб ўтамиз, 2021 йилнинг февралида Косон тумани ҳокими Асрол Бойқараев ёки унинг ўғли бошқаргани айтилган Captiva 60 ёшли фуқарони уриб юборгани, ЙТҲ оқибатида фуқаро воқеа жойида вафот этгани ҳақида хабар берилганди.
Изоҳ (0)