Шавкат Мирзиёев 23 август, душанба куни Тожикистон президенти Эмомали Раҳмон билан телефон орқали мулоқот қилди.
Тожикистон президенти матбуот хизмати хабарига кўра, давлат раҳбарлари икки томонлама муносабатларнинг бошқа долзарб масалалари ва умуман минтақадаги вазиятни муҳокама қилди. Суҳбат давомида Афғонистондаги бугунги нотинч вазиятга алоҳида эътибор қаратилди.
Айни пайтда Коллектив хавфсизлик шартномаси ташкилоти давлат раҳбарларининг саммити видеоанжуман шаклида бўлиб ўтмоқда. Тожикистон президенти раислигида бўлиб ўтаётган саммитнинг асосий мавзуси ҳам Афғонистон ҳақида.
Унда Президент Шавкат Мирзиёев ҳам Афғонистондаги юзага келган вазият, шунингдек, яқин ҳамкор мамлакатлар ва минтақадаги қўшнилар томонидан эҳтимолий таҳдидлар ва хавф-хатарларга жавоб қайтариш бўйича амалга оширилаётган чора-тадбирлар билан чуқур танишиш мақсадида меҳмон сифатида иштирок этмоқда.
Изоҳ (0)