Афғонистонда мамлакатни бошқараётган «Толибон» 21 август куни афғон сикҳлари ва ҳиндларининг (индуистлар) Кобул аэропортида Ҳиндистон ҳарбий ҳаво кучларининг самолётига чиқишига рухсат бермади. Бу ҳақда Indian Express хабар қилган.
Хабарга кўра, ушбу гуруҳда афғон парламентининг икки нафар депутати бўлган ва улар мамлакатдаги озчилик миллатларнинг манфаатларини ҳимоя қилган.
«Толиблар 72 нафар афғон сикҳлари ва индуистларни Ҳиндистон ҳарбий ҳаво кучлари самолётига чиқишда тўхтатган. S-130 транспорт самолёти Кобулдан 85 нафар Ҳиндистон фуқароси билан бирга парвоз қилган. Учоқ Деҳли йўлида Душанбега қўнган ва у ерда ёнилғи қуйиб олган», – деб ёзмоқда газета.
Аввал Афғонистон ОАВ Кобулдаги Ҳиндистон элчихонаси ходимларининг ахборотига таяниб, пойтахт аэропорти яқинида тахминан 150 нафар ҳиндларнинг ўғирлаб кетилганини хабар қилган.
Изоҳ (0)