Наманганнинг Учқўрғон туманида Nexia йўлдан ўтаётган 22 ёшли пиёдани уриб юбориб, унинг ўлимига сабабчи бўлди.
Вилоят ИИБ матбуот хизматининг маълум қилишича, воқеа 12 август куни соат 16:00 ларда «Тинчлик» МФЙ Андижон кўчаси ҳудудида юз берган. Nexia ҳайдовчиси ҳаракат хавфсизлигини таъминлай олмай, йўлни кесиб ўтаётган пиёдани уриб юборган.
Оқибатда 22 ёшли пиёда кўрсатилган тиббий муолажаларга қарамай шифохонада вафот этган.
Ҳолат бўйича Учқўрғон туман ИИБ ҳузуридаги ТБ томонидан 17 август куни Жиноят кодексининг 266-моддаси 2-қисми билан жиноят иши қўзғатилган.
Бундан аввал Наманган вилояти Уйчи туманида Damas 12 ёшли қизни уриб юборгани, Чуст туманида Cobalt йўлдан ўтаётган маст пиёдани уриб кетгани ҳақида хабар берилган эди. Ҳар иккала пиёда ҳам олган тан жароҳати оқибатида шифохонада вафот этган.
Изоҳ (0)