Тошкент вилоятининг Оққўрғон туманидаги боғчада 12 август куни 25 нафар бола заҳарланиб, шифохонага ётқизилганди. 13 август куни тиббиёт муассасаларига ётқизилган тарбияланувчилар сони 30 нафарга етганди. Мактабгача таълим вазирлиги ушбу болаларнинг аҳволи ҳақида маълумот берди.
Қайд этилишича, 17 августга келиб, тиббиёт муассасаларида интоксикация синдроми белгилари билан жами 12 тарбияланувчи даволанмоқда. Улардан 3 нафарининг ҳолати ўрта оғир, 8 нафар беморнинг ҳолати ўртача баҳоланиб, соғайиш арафасида, 1 нафар боланинг ҳолати қониқарли.
Хабарда таъкидланишича, тарбияланувчиларнинг саломатлиги ва ўтказилаётган суриштирув ишлари натижалари бўйича қўшимча маълумот бериб борилади.
Эслатиб ўтамиз, ушбу боғча тарбияланувчилари заҳарланганлиги ҳолати юзасидан Жиноят кодексининг 257-1-моддаси (санитарияга оид қонунчиликни ёки эпидемияга қарши кураш қоидаларини бузиш) билан жиноят иши қўзғатилган. Тергов ҳаракатлари олиб борилмоқда.
Изоҳ (0)