Бугун,

  • USD 11095.31
  • RUB 173.84
  • EUR 10772.44

Бухоро вилоятининг Пешку туманида яшовчи 23 ёшли қиз Ж.Р. ўзини оғир касал дея одамларни алдаб, ўзганинг пластик карта рақамидан қарийб 1 миллион сўмга яқин пулларни ечиб олди ва жиноий жавогарликка тортилди. Бу ҳақда «Дарё»га вилоят ИИБ ахборот хизмати раҳбари Шуҳрат Жалолов маълум қилди.

Таъкидланишича, пешкулик фуқаро Ж.Р. Telegram ижтимоий тармоғидаги «Меҳрли қўллар» гуруҳида «МММ» аккаунти орқали фойдаланувчиларга ўзини оғир касал ва даволаниш учун жарроҳлик амалиётини ўтказиш арафасида тургани, бироқ моддий кўмакка муҳтожлигини билдирган.

Ж.Р. Пешку туманидаги Чоробод қишлоғи фуқароси, 55 ёшли аёл У.Х.нинг ишончига кириб, у билан ёзишган. Ўзининг оғир хасталиги ва жарроҳлик амалиёти учун пул зарурлигини айтиб, Click электрон тизими орқали ўтказма қилишини илтимос қилган. Ж.Р. суҳбат орасида фуқаро У.Х.нинг таниши  Ҳ.С.нинг номига Халқ банки томонидан берилган пластик карта рақами ҳамда махсус кодини олишга эришган. Ва пластик картадан 959 минг 500 сўм пулларни ечиб олган. Ҳ.С. пластик карточкасидан қарийб бир миллион сўмга яқин пулларнинг сабабсиз ечиб олинганини телефон рақами орқали келган SMS орқали билган. Шундан сўнг фуқаро Ҳ.С. ҳамда У.Х. ҳолат юзасидан туман ички ишлар идораларига мурожаат қилган. Тезкорлик билан олиб борилган суриштирув ҳаракатлари жараёнида фуқаро Ж.Р.нинг хаста эмаслиги ва у ўзганинг пластик картаси ҳисобидаги пулларни алдов ва ўз манфаати йўлида ечиб олгани маълум бўлган.

Мазкур ҳолат юзасидан Пешку тумани ИИБ тергов гуруҳи томонидан Ж.Р.га нисбатан Жиноят кодексининг 168-моддаси 1-қисми (фирибгарлик) билан жиноят иши қўзғатилган. Ҳозирда қизнинг бошқа шу турдаги фош этилмай қолаётган жиноятларга алоқадорлигини текшириш юзасидан тергов ҳаракатлари олиб борилмоқда.

Изоҳ
Асосий янгиликлар
Маҳаллий
“Права”ни янгисига алмаштириб берадиган онлайн хизмат фаолиятида носозлик кузатилмоқда
Маҳаллий
Ўзбекистонда газ заправкалар қайта очилиши кутилмоқда
Дунё
Россия Беларусга янги ҳарбий қисмлар жойлаштирди — Украина чегара хизмати