Bugun,

  • USD 11095.31
  • RUB 173.84
  • EUR 10772.44

Toshkent viloyati Angren tumanida fuqarolarni aldab, ularning pul mablag‘larini o‘zlashtirgan shaxs ushlandi, deya xabar bermoqda IIV matbuot xizmati.

Foto: IIV matbuot xizmati

Foto: IIV matbuot xizmati

Olib borilgan tekshiruv harakatlari davomida noma’lum shaxs tomonidan Telegram’da “Universal kredit” nomli soxta guruh ochilib, 15 daqiqa ichida onlayn kredit xizmatlari orqali fuqarolar mikroqarz olishlari mumkinligi haqidagi e’lon ostida fuqarolarning shaxsiga oid ma’lumotlarni noqonuniy ravishda egallab, ularning bank plastik kartalaridagi pul mablag‘larini firibgarlik yo‘li bilan qo‘lga kiritib kelgani aniqlangan.

Olingan tezkor ma’lumotlar natijasida 2021-yil iyul oyida Toshkent shahri hududida IIV Kiberxavfsizlik markazi xodimlari tomonidan olib borilgan tezkor-qidiruv tadbirlari davomida mazkur noqonuniy harakatni Toshkent viloyati, Angren shahrida yashovchi, muqaddam Jinoyat kodeksining 168-moddasi bilan sudlangan, 1997-yilda tug‘ilgan fuqaro D.K. sodir etgani aniqlanib, uning ikki dona telefon qurilmasi ashyoviy dalil tariqasida tegishli tartibda hujjatlashtirib olingan.

Ushbu shaxs Telegram’dagi “Universal kredit” nomli soxta guruhi orqali 15 daqiqa ichida fuqarolar mikroqarz olishlari mumkinligi haqidagi e’lon ostida respublika hududi bo‘ylab 10 dan ziyod aldangan fuqarolarning jami 13 million so‘mga yaqin pul mablag‘larini firibgarlik yo‘li bilan qo‘lga kiritib, ushbu pullarni o‘zining ehtiyoji uchun ishlatib yuborgan.

Mazkur holat yuzasidan fuqaro D.K.ga nisbatan Yozyovon tumani IIB huzuridagi tergov bo‘linmasi tomonidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, dastlabki tergov harakatlari olib borilmoqda.

Bundan avval Toshkentda fuqaroning Qozog‘istondagi o‘qishini Samarqand tibbiyot institutiga ko‘chirib berish evaziga 5 ming dollar olgan shaxs ushlangani, Andijonda Koreyaga ishga yuborishni va’da qilib, 6 ming dollar talab qilgan shaxsga jinoyat ishi qo‘zg‘atilgani hamda Buxoroda “Asakabank” sobiq mansabdorlari Osiyo taraqqiyot banki ajratgan 2 million dollarni talon-toroj qilgani aniqlangani haqida xabar berilgandi.

Izoh
Asosiy yangiliklar
Shou-biznes
Facebook asoschisi Mark Sukerberg uchinchi marta ota bo‘ldi (foto)
Sport
La Liga prezidenti: “Barselona” Messini ortga qaytara olmaydi 
Shou-biznes
Bir yil davomida suratga olingan, professional aktyorlar ansambli jamlangan “Ofitser 55” filmi taqdimotidan reportaj (foto, video)