Тишларни кунига неча марта ювиш керак? Албатта, икки марта. Лекин японлар буни жуда кам деб ҳисоблайди. Уларда ҳатто тишларни ювишнинг ўзига хос услуби бор.
Кунчиқар мамлакат аҳолиси орасида гигиенага юқори даражада эътибор қаратилади. Японлар ҳар овқатдан кейин кунига бир неча марта тишларини ювади. Улар тозаликни саломатлик гарови деб ҳисоблайди.
Ҳамигаки нима?
Японлар жуда ёшлигидан тишларини ювишни ўрганади. Шу сабабли ота-оналар билан тишларини ювиш кўпинча Япониянинг ҳар бир фуқароси учун энг эсда қоларли воқеалардан биридир. Улар ҳатто бу тартиб оила ичидаги муносабатларни мустаҳкамлайди, деб ҳисоблайди.
Мактабдаги дарслар
Бу ҳали ҳаммаси эмас. Агар ота-оналардан бири боласига тишларни тозалашни тўғри ўргата олмаса ёки болани гигиенага ўргатишни унутган бўлиши мумкин. Шунинг учун ҳам Японияда болалар ҳар овқатдан кейин тишларини ювади. Бутун синф ўқитувчининг қатъий назорати остида жараённи амалга оширади.
Ҳамигаки японларгина биладиган махсус ҳаракатларми? Йўқ, ҳаммада бир хил. Фақат фарқ бажарилишнинг пухталигида. Албатта, ёш ўқувчиларга тишларни тозалашни ўргатиш қийин. Аммо японлар бунинг ҳам ечимини топди: улар шунга мос болалар қўшиқларини яратди.
Ресторанда ҳам тишларни ювиш керак
Ажабланарлиси шундаки, бу тарбия катталарга ҳам тегишли, улар ҳар овқатдан кейин тишларини ювади. Уйда ёки ресторанда бўлишнинг аҳамияти йўқ. Бунинг учун улар ўзлари билан махсус чўткаларини олиб юради. Мамлакатга ташриф буюрганлар одатда ресторан ҳожатхонасига кириб, оғзида чўтка билан диққатни тортган япон йигитини кўрганда ҳайрон қолади.
Уйга қайтганда
Худди бутун дунёдаги одамлар каби японлар уйга келганда қўлларини ювади. Лекин бу ҳаммаси эмас. Улар қайтганларида ҳар доим оғизини ҳам чаяди. Япония дўконларида ҳатто бунинг учун махсус маҳсулотлар сотилади. Шунингдек, ҳар бир дўконда оғиздаги ҳидни бартараф этишга ёрдам берадиган конфетлар ҳам мавжуд.
Японларнинг тиш пастаси ва чўткаси қандай?
Японияда тиш чўткаси сотиладиган дўконга кирган одамнинг йўқолиб қолиши ҳеч гап эмас. Оғиз гигиенаси билан овора бўлган япон халқининг дўконларида чўтканинг шунчалик кўп турлари борки, уларнинг бирортасини танлаб олиш ҳам қийин.
Бироқ уларнинг аксарияти одатдаги чўткалардан фарқ қилади. Улар ихчамроқ ўлчам ва яхши сифатга эга. Энг муҳими, тишларни яхшироқ тозалашга ёрдам берадиган жуда юмшоқ, нозик туклар милкка зарар бермайди. Тиш пастасига келсак , у ҳамигаки деб ҳам аталади, Япония савдо дўконларида бир ярим миллиондан ортиқ тури бор! Бу брендлар бир-биридан қандай фарқ қилиши мумкинлигини тасаввур қилиш қийин, лекин улар мавжудлиги уларга талаб ҳам борлигини билдиради.
Тиш ва юрак
Япония дунёдаги юрак-қон томир касалликлари билан касалланиш даражаси паст бўлган уч мамлакатдан бири – Корея ва Франция билан бир қаторда туради. Савол туғилиши табиий, тиш ва юрак ўртасида қандай боғлиқлик бор? Ҳозирги тадқиқотлар шуни кўрсатадики, тиш саломатлигининг ёмонлиги, милк касаллиги ва оғиздаги бактериал инфекциялар юрак хасталиги хавфининг ошиши билан боғлиқ. Балки, ҳамигаки техникаси Японияларнинг қариганда ҳам тетик яшашининг сабабларидан биридир ва бу мамлакатда ўртача умр кўриш давомийлиги 84-85 ёшни ташкил этади ва бу дунёдаги энг юқори кўрсаткич.
Мавзуга доир:
Изоҳ (0)