Янги тур — COVID-19 мутацияларидан бири бўлиб, у дельта штамм ҳам дейилади. Биринчи марта ЖССТ мазкур штамм ҳақида 2020 йилнинг октябрь ойида маълум қилди, 2021 йилнинг июнь ойигача дунёнинг 90 дан ортиқ мамлакатида ушбу штамм қайд этилган.
Барча вируслар мутацияга учрайди. Биологик нуқтаи назардан бу нормал ҳолат. Худди шундай COVID-19 ни келтириб чиқарган SARS-CoV-2 вируси ҳам ўзгариб бормоқда. Мутациянинг бу вариантининг энг ёқимсиз томони шундаки, у вируснинг бошоқли оқсилига таъсир қилган (S-оқсил), бунинг натижасида у ҳужайраларга киради. Бу мутациялар унинг юқори тезликда тарқалишига имкон беради ва вирусга иммунитет тизимининг бир қисмини четлаб ўтишга ёрдам беради.
Коронавируснинг «ҳиндча» штамми одатдагидан нимаси билан фарқ қилади, у қандай ривожланади ва ундан ҳимояланиш мумкинми?
Катталарда учрайдиган коронавируснинг «ҳиндча» штамми белгилари ва унинг фарқлари:
- У аввалги вариантларга қараганда юқумлироқ ва тез тарқалади. Вирус одамдан одамга фаол юқади ва касалликнинг оғир шаклига тез айланади.
- Инкубация даври қисқа. Агар «Ухань» вируси учун 7-14 кун бўлса, «ҳиндча» штамм учун 3-4 кун етарли.
- Танада касаллик қўзғатиш даври 13-15 кун, бошқа турлар учун 7-9 кун.
- Жиддий асоратлари: касалланганларда тромб ҳосил бўлиш эҳтимоли кўпроқ, бу инсульт, гангрена ва ўпка эмболиясининг ривожланиш хавфини оширади.
- Касалланганлар орасида болалар ва ўсмирлар сезиларли даражада кўп.
Коронавируснинг «ҳиндча» штаммининг ўзига хос белгилари орасида қуйидагилар қайд этилган: кўпчиликда у қоринда ноқулайлик, кўнгил айниши ва диарея билан давом этади. Айнан мана шу вақтда бемор ковидни сезмайди ва ижтимоий фаол ҳаёт тарзини давом эттиради, бу эса инфекция тарқалишига ёрдам беради.
Болаларда касаллик кўпинча аломатларсиз бир неча кунлик юқори иситма билан намоён бўлади.
Даволаш
Даволовчи шифокорга одамнинг қандай мутацияга учраганлиги муҳим эмас, чунки даволаш асосан клиник кўриниш ва бирга келадиган патологияни ҳисобга олган ҳолда симптоматик тарзда олиб борилади. Шунинг учун лабораториялар (илмий лабораториялардан ташқари) қайси штамм касалликка олиб келганини аниқлаш учун коронавирусга батафсил таҳлил ўтказмайди.
Олдини олиш
Дельта мутациясидан келиб чиқадиган асоратларнинг олдини олишнинг энг яхши йўли — вакцинация. Бундан ташқари, ижтимоий масофа, ниқоб тақиш, қўлларни тез -тез ювишдир.
Мавзуга доир:
Изоҳ (0)