Бухоро вилоятининг Ғиждувон тумани ҳокими лавозимдан олинди. Бу ҳақда «Дарё»га вилоят ҳокимлиги ахборот хизмати раҳбари Олим Жўраев хабар берди.
Таъкидланишича, бугун, 12 август куни Халқ депутатлари Ғиждувон туман Кенгашининг навбатдаги сессиясида туман ҳокими ўзгариши ташкилий масала сифатида киритилган.
Сессия давомида Ғиждувон туман ҳокими лавозимида ишлаб келаётган Муроджон Умаров ўз аризасига биноан, лавозимидан озод этилгани айтиб ўтилган ва вилоят ҳокими Ботир Зарипов туман ҳокимлигига айни вақтга қадар Бухоро вилоят Давлат солиқ бошқармаси бошлиғи лавозимида ишлаб келган Шерзод Ашуров номзодини тавсия қилган.
Таклиф Халқ депутатлари Ғиждувон тумани Кенгаши депутатлари томонидан маъқулланган. Сессияда Бухоро вилояти давлат солиқ бошқармаси бошлиғи Шерзод Ашуров Ғиждувон тумани ҳокими этиб тасдиқланган. Аввалроқ Бухоро ҳокими ўринбосари Ғиждувон эркин иқтисодий зонасига раҳбар этиб тайинлангани тўғрисида хабар берилганди.
Изоҳ (0)