Instagram: Алишер Узоқовни мухлисга тарсаки туширишга нима мажбур қилди? Зарина Низомиддинованинг сочи уламами? Фарзандли бўлган «Миллион» аъзоси

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.

Актриса Юлдуз Ражабова «Қора қути» деб номланган сериалда суратга туша бошлади.

Ўзбек миллий академик драма театри актёрлари коронавирусга қарши эмланди.

Йигитали Мамажонов нима сабабдан театрда ишлашни хоҳламаслигига изоҳ берди.

Юлдуз Турдиева туғилган куни муносабати билан табрик йўллаган барча мухлисларига миннатдорчилик билдирди.

Зарина Низомиддинованинг стилисти Азамат актрисанинг сочлари улама эканлиги ҳақидаги миш-мишларга видео тарзида жавоб йўллади.

Лола ўзига бино қўйган кишилар атрофдагиларга салбий таъсир кўрсатиши ҳақида мулоҳаза юритди.

Шаҳзод Султонов «Алдайди» деб номланган қўшиғига ишланган клипни тақдим этди. Клипда олти нафар машҳур актриса суратга тушган.

Ситора Фармонова фолловерларига келинлик либосида кўриниш берди.

Актриса Гулчеҳра Эшонқулова АҚШда фарзандлари билан бахтсиз ҳодиса рўй беришига бир бахя қолгани ҳақида сўзлаб берди.

«Миллион» кулги жамоаси резиденти Алишер Ботиров учинчи марта ота бўлди. Актёрнинг оиласида ўғил фарзанд дунёга келган.

Алишер Узоқов «Дийдор» театри саҳнасида рол ижро этаётганида ўзини номақбул тутган томошабиннинг юзига тарсаки тортиб юборгани ҳақида сўзлаб берди. «Санъатнинг фожиаси бўлгани каби, ана шу фожиа томошабинларда ҳам бор. Томоша қилишни билишмайди», — дейди актёр.

Хонанда Аҳрор Усмоновнинг рафиқаси Гулбаҳор Усмонова 2016 йилда Алижон Исоқовнинг Toyota Prado автомобилини бошқараётганида автоҳалокат содир этгани, шундай қийин вазиятда Алижон Исоқов нотўғри ахборот тарқатгани ҳамда уларни тушунмай қолгани ҳақида сўзлаб берди.