«2021 йил 9 август куни кечқурун хонанда МакSим оддий палатага ўтказилди», – дейди унинг менежери Маргарита Соколова Instagram’да. Бу ҳақда Esquire хабар бермоқда.
«Шифокорлар уйга қайтиш санаси ҳақида аниқ изоҳ бермади, лекин бу узоқ давом этмайди. Уларнинг айтишича, бундай муваффақиятли натижа кам учрайдиган ноёб ҳолат. Албатта, ҳали ҳам тикланиш узоқ вақт талаб этади. Қувватни тўлдириш керак, энергия етарли эмас, лекин у юра олади, овқатланади, мулоқот қила олади», – деб ёзади Соколова.
https://www.instagram.com/p/CSWhEBAszy5/?utm_source=ig_embed&ig_rid=4829452a-4e7d-4195-9d43-6a52ff7c6111
Хонанданинг ўзи касалхонага ётқизилганидан бери Instagram’да биринчи постини эълон қилди ва аста-секин тузалаётгани ҳақида изоҳ берди. «Шифокорлар, тахминан, қанча вақт комада бўлганимни сўрашганда, мен 2 кун бўлса керак, деб жавоб бердим. Лекин бир ойдан кўпроқ вақт шифохонада бўлганимга ишонолмадим», – дейди МакSим.
Унинг сўзларига кўра, шифокорлар унга учишни ва концертларда қатнашишни тақиқлаган, чунки бу унинг соғлиғига салбий таъсир кўрсатиши мумкин. МакSим қаттиқ бош айланиши туфайли ҳали ҳам ўзи юра олмаслигини тан олди, лекин иложи борича тезроқ уйга қайтишни ва оиласини бағрига босишни орзу қилмоқда.
«Ўпка ҳали ҳам тикланмоқда, уни зўриқтириш мумкин эмас. Аммо мен ҳаммангизга, шифокорларга ва Худога миннатдорлик билдираман, қийинчилик билан бўлса-да, ер юзида яшашни давом эттирганим учун», – дейди қўшиқчи.
Хонанда ва унинг менежери МакSим даволанаётган 52-шифохона тиббий ходимларига ҳам миннатдорлик билдирди. Эслатиб ўтамиз, 2021 йилнинг 15 июнь куни шифохонага ётқизилган Маринанинг аҳволи ёмонлашгани туфайли унга сунъий нафас олдириш аппарати уланган. Кейинроқ яна бир оғир касаллик аниқланган ижодкорнинг аҳволи ёмонлаши сабаби нима билан боғлиқ экани ҳақида хабар берилган. Аҳволи оғирлашган МакSимни комадан чиқаришнинг иложи бўлмаган. Бироздан сўнг коронавирус сабаб сунъий комага туширилган хонанданинг ҳолати яхшилана бошлаган. Шундан сўнг МакSим унга далда бўлган мухлисларига салом йўллаган.
Изоҳ (0)