Бош вазир ўринбосари Сардор Умурзоқов коронавирусга қарши Moderna вакцинаси билан эмланди
9 август куни Ўзбекистон Инвестициялар ва ташқи савдо вазирлигида идора раҳбарияти ва ходимларини эмлаш тадбирлари бошланди, деб хабар беради вазирлик матбуот хизмати.
Фото: Инвестициялар ва ташқи савдо вазирлиги
Бош вазир ўринбосари – инвестициялар ва ташқи савдо вазири Сардор Умурзоқов вакцинанинг биринчи компонентини қабул қилиб, аҳолини коронавирус инфекциясидан ҳимоя қилиш зарурлиги ҳақида фикр билдирган. Шунингдек, Умурзоқов бошқа раҳбар ва ходимларни Ўзбекистонга олиб келинган вакциналарнинг ўзиларига маъқул туридан фойдаланиб, иложи борича тезроқ эмланишга чақирган.
Эълон қилинган суратлардан кўриш мумкинки, бош вазир ўринбосари Modernaвакцинаси билан эмланган.
Фото: Инвестициялар ва ташқи савдо вазирлиги
Фото: Инвестициялар ва ташқи савдо вазирлиги
10 август ҳолатига кўра, вазирлик марказий аппарати ходимларининг 61 фоизи, қуйи ташкилотлар ходимларининг 70 фоизи ва ИЦВ ҳудудий бўлинмалари ходимларининг 85 фоизи эмланган. Қолганлар илгари эмланган ёки охирги 3 ой ичида COVID-19 билан касал бўлган ёки эмланишга қарши тиббий кўрсатмалари бор ходимларни ташкил этади.
Аввалроқ бош вазир ўринбосари Беҳзод Мусаев, маҳалла ва оилани қўллаб-қувватлаш вазири Раҳмат Маматов «Спутник V» вакцинаси билан, халқ таълими вазири Шерзод Шерматов коронавирусга қарши ўзбек—хитой вакцинаси билан, собиқ соғлиқни сақлаш вазири Алишер Шодмонов ва соғлиқни сақлаш вазирининг ўринбосари – Тошкент шаҳар Соғлиқни сақлаш бош бошқармаси бошлиғи Анвар АлимовZF-UZ-VAC2001 вакцинаси билан, Ўзбекистон маданият вазири Озодбек Назарбеков «Спутник V» вакцинаси билан эмланганди.
Изоҳ (0)