Бош прокуратура ҳузуридаги департамент ва ДХХ Андижон вилоят бошқармаси ходимлари ҳамкорлигида ўтказилган тезкор тадбирда Бўстон туманлараро ҳакамлик судининг норасмий иш ўрганувчиси бошқа бир фуқародан фирибгарлик йўли билан 300 доллар олаётганда қўлга олинди дея хабар бермоқда «Дарё» мухбири.
Маълум бўлишича, Бўстон туманлараро ҳакамлик суди норасмий иш ўрганувчиси И.М. ариза муаллифи З.Ш. даъвогарлигидаги жавобгар Шаҳрихон туманидаги фермер хўжалиги раҳбари Э.П.дан Шаҳрихон туман сув истеъмолчилари уюшмасига қарашли теракларини ноқонуний кесганлиги оқибатида етказилган зарарни ундириш ҳамда уюшмага қарашли ер майдонидан фойдаланиш ҳуқуқини берувчи қарорни суд орқали қарор чиқариб беришни ваъда қилиб, 300 доллар талаб қилган.Фирибгарликда гумонланган шахс талаб қилинган пулларни туманнинг «Сарой» маҳалласидаги умумий овқатланиш ошхонаси ҳудудида даъвогардан олган вақтда ашёвий далиллар билан ушланган.
Ҳолат юзасидан Шаҳрихон туман прокуратураси томонидан И.М.га нисбатан Жиноят кодексининг 168-моддаси (фирибгарлик) ва 28, 211-моддаси 1-қисми (пора бериш) билан жиноят иши қўзғатилиб, тергов ҳаракатлари олиб борилмоқда.
Мавзуга доир:
- Андижонда фуқарони Қирғизистонга ўқишга киритиб қўйиш эвазига 1,4 минг доллар сўраган университет ўқитувчиси қўлга олинди
- Бухорода ҳокимлик захирасидаги 16 сотих ерни 14 минг долларга сотишга уринган шахс ушланди
- Андижонда собиқ кадастр ходими эгалик ҳуқуқини берувчи қарорни чиқартириб бериш эвазига 15 минг доллар олаётганида қўлга олинди
Изоҳ (0)