9-avgust kuni O‘zbekiston Investitsiyalar va tashqi savdo vazirligida idora rahbariyati va xodimlarini emlash tadbirlari boshlandi, deb xabar beradi vazirlik matbuot xizmati.
Bosh vazir o‘rinbosari – investitsiyalar va tashqi savdo vaziri Sardor Umurzoqov vaksinaning birinchi komponentini qabul qilib, aholini koronavirus infeksiyasidan himoya qilish zarurligi haqida fikr bildirgan. Shuningdek, Umurzoqov boshqa rahbar va xodimlarni O‘zbekistonga olib kelingan vaksinalarning o‘zilariga ma’qul turidan foydalanib, iloji boricha tezroq emlanishga chaqirgan.
E’lon qilingan suratlardan ko‘rish mumkinki, bosh vazir o‘rinbosari Moderna vaksinasi bilan emlangan.
10-avgust holatiga ko‘ra, vazirlik markaziy apparati xodimlarining 61 foizi, quyi tashkilotlar xodimlarining 70 foizi va ITSV hududiy bo‘linmalari xodimlarining 85 foizi emlangan. Qolganlar ilgari emlangan yoki oxirgi 3 oy ichida COVID-19 bilan kasal bo‘lgan yoki emlanishga qarshi tibbiy ko‘rsatmalari bor xodimlarni tashkil etadi.
Avvalroq bosh vazir o‘rinbosari Behzod Musayev, mahalla va oilani qo‘llab-quvvatlash vaziri Rahmat Mamatov “Sputnik V” vaksinasi bilan, xalq ta’limi vaziri Sherzod Shermatov koronavirusga qarshi o‘zbek—xitoy vaksinasi bilan, sobiq sog‘liqni saqlash vaziri Alisher Shodmonov va sog‘liqni saqlash vazirining o‘rinbosari – Toshkent shahar Sog‘liqni saqlash bosh boshqarmasi boshlig‘i Anvar Alimov ZF-UZ-VAC2001 vaksinasi bilan, O‘zbekiston madaniyat vaziri Ozodbek Nazarbekov “Sputnik V” vaksinasi bilan emlangandi.
Izoh (0)