Bosh prokuratura huzuridagi departament va DXX Andijon viloyat boshqarmasi xodimlari hamkorligida o‘tkazilgan tezkor tadbirda Bo‘ston tumanlararo hakamlik sudining norasmiy ish o‘rganuvchisi boshqa bir fuqarodan firibgarlik yo‘li bilan 300 dollar olayotganda qo‘lga olindi deya xabar bermoqda “Daryo” muxbiri.
Ma’lum bo‘lishicha, Bo‘ston tumanlararo hakamlik sudi norasmiy ish o‘rganuvchisi I.M. ariza muallifi Z.Sh. da’vogarligidagi javobgar Shahrixon tumanidagi fermer xo‘jaligi rahbari E.P.dan Shahrixon tuman suv iste’molchilari uyushmasiga qarashli teraklarini noqonuniy kesganligi oqibatida yetkazilgan zararni undirish hamda uyushmaga qarashli yer maydonidan foydalanish huquqini beruvchi qarorni sud orqali qaror chiqarib berishni va’da qilib, 300 dollar talab qilgan.Firibgarlikda gumonlangan shaxs talab qilingan pullarni tumanning “Saroy” mahallasidagi umumiy ovqatlanish oshxonasi hududida da’vogardan olgan vaqtda ashyoviy dalillar bilan ushlangan.
Holat yuzasidan Shahrixon tuman prokuraturasi tomonidan I.M.ga nisbatan Jinoyat kodeksining 168-moddasi (firibgarlik) va 28, 211-moddasi 1-qismi (pora berish) bilan jinoyat ishi qo‘zg‘atilib, tergov harakatlari olib borilmoqda.
Mavzuga doir:
- Andijonda fuqaroni Qirg‘izistonga o‘qishga kiritib qo‘yish evaziga 1,4 ming dollar so‘ragan universitet o‘qituvchisi qo‘lga olindi
- Buxoroda hokimlik zaxirasidagi 16 sotix yerni 14 ming dollarga sotishga uringan shaxs ushlandi
- Andijonda sobiq kadastr xodimi egalik huquqini beruvchi qarorni chiqartirib berish evaziga 15 ming dollar olayotganida qo‘lga olindi
Izoh (0)