Андижон вилояти Қўрғонтепа тумани прокурори Сардор Ражаббоев туман Ободонлаштириш бошқармаси ходимларини Андижон вилоятидаги шахсий ҳовлисида ишлашга мажбурлаганликда гумон қилинмоқда. Бу ҳақда Muxbir Daliyev Telegram каналида маълум қилинди, дея хабар бермоқда «Gazeta.uz».
Маълум қилинишича, ишчилар 2021 йилнинг баҳоридан кузигача ишга жалб қилинган. «Катта эҳтимол билан, ободонлаштириш ишчиларининг иш ҳақи давлат томонидан тўланган», — дейилади хабарда.
Кейинги постда канал муаллифи Андижон вилояти прокуратурасининг вилоят прокурорининг ўринбосари Б.Исмоилов имзолаган, ҳолатни текшириш натижалари ҳақидаги хатини илова қилди.
Гап бешта ишчи ҳақида кетмоқда, улардан иккитаси, тушунтириш хатига кўра, Сардор Ражаббоевнинг уйида бўлмаган. Қолган ходимлар «туман прокуратураси ҳовлисида ўз хоҳиши билан ишлаган, ҳеч ким уларни мажбурламаган», дейилади ҳужжатда.
Бош прокуратура матбуот хизматининг хабар беришича, ушбу ҳолат бўйича прокурор Сардор Ражаббоевга нисбатан текширув тайинланган.
Бундан аввал Қашқадарёда ходимларини мажбурий меҳнатга жалб қилган тиббиёт бирлашмаси бошлиғи 12 миллион сўм жаримага тортилгани, Ўзбекистон одам савдоси ва мажбурий меҳнатга қарши курашиш рейтингида кўтарилгани ҳамда Ўрта Чирчиқда тиббиёт ходимларини мажбурий меҳнатга жалб этган поликлиника раҳбари жаримага тортилгани ҳақида хабар берилганди.
Изоҳ (0)