Сарвар Мамаюсупов тизимда янги жорий қилинган Миллий гвардия қўмондонининг ёшлар билан ишлаш масалалари бўйича ўринбосари лавозимига тайинланди, деб хабар бермоқда идора матбуот хизмати.
Тайинловга қадар полковник Сарвар Мамаюсупов 2020 йилнинг апрелидан буён Миллий гвардия қўмондонининг тарбиявий ва мафкуравий ишлар бўйича ўринбосари лавозимида ишлаб келаётганди.
Сарвар Мамаюсупов 1978 йилда Тошкент вилоятида туғилган. 2000 йилда Тошкент олий умумқўшин қўмондонлик билим юрти, 2007 йилда Ўзбекистон Қуролли Кучлари академиясини тамомлаган.
Хизмат фаолиятини 2000 йилда Шарқий ҳарбий округ таркибидаги ҳарбий қисм махсус вазифалар отряди командирининг тарбиявий ишлар бўйича ўринбосари сифатида бошлаган. 2007—2020 йилларда Мудофаа вазирлигида тарбиявий ва мафкуравий ишлар бўйича раҳбарлик лавозимларида ишлаган.
Эслатиб ўтамиз, 28 июль куни Шавкат Мирзиёев барча меҳрибонлик уйлари ва махсус мактаб-интернатларни Миллий гвардия масъуллигига ўтказишни таклиф қилганди.
Изоҳ (0)