Юз териси ҳамиша парваришга муҳтож. Аммо уни ҳар ким ҳам тўғри амалга оширавермайди. Қуйида эса юз териси бўйича бир неча факт келтирилган. Мазкур кўрсатмалар қўллана бошланса, тери яхши натижага эриша бошлайди.
Намлантирувчи воситалардан фойдаланинг
Агар юз терисидаги асосий муаммо нимада эканлиги номаълум бўлса, озиқлантирувчи, тикловчи, витамин ва юмшатувчи ниқоблардан фойдаланиб кўриш тавсия этилади. Шунингдек, сифатли намлантирувчи косметик воситаларни ҳам қўллаш зарур. Биринчидан, терини ортиқча намлаш мумкин эмас. Иккинчидан, агар тери етарлича намланмаган бўлса, бошқа фойдали таркибий қисмлар унга мос келмайди. Учинчидан, эҳтимол теридаги муаммолар айнан намлик етишмаслиги билан боғлиқ бўлиши ҳам мумкин.
Буғлаш жараёнини амалга оширинг
Фойдали ниқобни буғланган терига суртиш яхши натижа беради. Махсус буғловчи қурилма мавжуд бўлмаса, уй шароитида ҳам буни амалга ошириш мумкин. Бунинг учун идишга иссиқ сув қуйилади ва атрофи сочиқ билан ўралиб, юз буғга тутилади. Ушбу жараён 2—3 дақиқадан ошмаслигини унутмаслик зарур. Натижада юздаги бўёқлар тубигача ювилиб, тери мукаммал тозаланади.
Тежамкорлик қилманг
Одатда кўп аёллар ниқобдан фойдаланганда бўйин ва елка соҳасини унутиб қўяди ёки ниқобни тежашга уринади. Аслида ушбу икки соҳага ҳам худди юзникидек парвариш зарур. Чунки бўйин ҳақиқий ёшни юзга нисбатан аниқ намоён қилади.
Юз терисини ўрганинг
Юз терисини парваришлашдан аввал уни яхшилаб ўрганиш ёки косметолог ҳузурига бориш зарур. Сабаби юз териси бир хил бўлмаслиги ва бирданига турли хил парвариш воситаларини талаб қилиши мумкин. Бунинг учун арзон ёки сифатсиз маҳсулотлардан қочиш ва ҳар бир ҳудуд учун мос келадиган воситадан фойдаланиш керак.
Юз териси қуришига йўл қўйманг
Лойга асосланган ниқоблардан фойдаланишда ўта эҳтиёткор бўлиш зарур. Ниқобнинг устки қисми қуриб қолмасидан аввал ювиб ташлаш тавсия этилади. Акс ҳолда ниқоб теридан намликни тортиб олади.
Вақтни инобатга олинг
Салонларда профессионал косметолог ёки дерматолог томонидан ишлаб чиқарилганларидан ташқари битта ниқоб 20 дақиқадан кўпроқ вақт давомида терида турмаслиги керак. Оптимал таъсир қилиш вақти 10—15 дақиқани ташкил этади.
Ниқобни олишда эҳтиёт бўлинг
Ниқобдан фойдалангандан сўнг юзада қолган ортиқча нарсаларни қўл билан олиб ташлаш кифоя қилмайди. Энг яхшиси, мицел суви ёки тоник билан ювиш зарур. Сўнгра терини одатдагидек парвариш қилиш тавсия этилади.
Ёрдамчи вариантларни танланг
Мунтазам парвариш қилиш учун ва маълум бир муаммони тезда ҳал қилиш учун мўлжалланган бир марталик ниқоблар мавжуд. Иккиси ҳам юз териси учун фойдали бўлиб, терини таранг ва ёрқин кўриниш билан таъминлайди.
Ниқобларни сиворотка (зардоб) билан бирга қўлламанг
Ниқоб ва сиворотка жуда фаол ва ўткир таркибий қисмлардан иборат. Иккала воситадан бир вақтда фойдаланиш — улардан бирини беҳуда сарфлаш билан бир хил.
Косметик воситаларни текшириб кўринг
Агар косметикага аллергик реакция бўлса, уни бутун юзга суришдан олдин ниқобни текшириб кўрган маъқул. Аввал у тирсак соҳасига сурилади ва 10—15 дақиқа ушлаб турилади. Сўнгра кун давомида терининг ҳолати кузатилади.
Изоҳ (0)